Májilis Bıýrosynyń otyrysynda halyqaralyq kelisimderge qatysty zań jobalary qaraldy
ASTANA. Maýsymnyń 11-i. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen ótken Palata Bıýrosynyń otyrysynda zań jobalarynyń daıyndyǵy týraly máseleler qaraldy,
dep habarlaıdy QazAqparat.
Palatanyń Halyqaralyq ister, qorǵanys jáne qaýipsizdik komıtetibirqatar zań jobalaryn qaraýdy usynyp otyr. Atap aıtqanda, «Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy Jerdi qashyqtyqtan zondtaýdyń ǵarysh júıesi men ǵarysh apparattarynyń qurastyrý-synaý keshenin qurý jáne paıdalaný sharttary týraly kelisimdi ratıfıkatsııalaý týraly» jáne «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy «Baıqońyr» kesheninde bolý tártibi týraly kelisimdi ratıfıkatsııalaý týraly» zań jobalary jalpy otyrysqa shyǵarylady.
Sonymen qatar atalǵan komıtet «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Ǵarysh keńistigin beıbit maqsattarda zertteý jáne paıdalaný salasyndaǵy yntymaqtastyq týraly kelisimdi ratıfıkatsııalaý týraly» Qazaqstan Respýblıkasy Zańynyń jobasymen jumysty jalǵastyrý jóninde usynys jasady.
Sonymen qatar Bıýro otyrysynda depýtattyq korpýstyń zań shyǵarýshylyq qyzmetine qatysty basqa da máseleler qaraldy.
