Májilis Bıýrosynyń otyrysynda birqatar zań jobalarynyń daıyndyq barysy qaraldy
ASTANA. Maýsymnyń 18-i. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen ótken Palata Bıýrosynyń otyrysynda zań jobalarynyń daıyndyǵy týraly máseleler qaraldy,
dep habarlaıdy QazAqparat.
Salalyq komıtetterdiń usynýymen Palatanyń jalpy otyrysynyń kún tárbitine «Normatıvtik quqyqtyq aktiler týraly» zańǵa túzetýler engizýdi kózdeıtin zań jobasy usynyldy. Elimizdiń keıbir zańdaryna balalardyń quqyǵyn qorǵaý týraly zań joba ekinshi oqylymda, otbasy úlgisindegi balalar aýyly jáne jasóspirimder úılerine qatysty ózgerister engizýdi qarastyratyn zań jobasy shyǵarylatyn boldy. Jáne de «Neke (erli zaıyptylyq) jáne otbasy týraly» kodeks jobasy ekinshi oqylymda talqyǵa túsedi.
Sonymen qatar birqatar zań jobalary jalpy otyrysta talqyǵa salynady.
Bıýro otyrysynda Úkimetten kelip túsken «Qazaqstan Respýblıkasynyń Úkimeti men Tájikstan Respýblıkasynyń Úkimeti arasyndaǵy Óteýsiz áskerı kómek kórsetý týraly kelisimdi ratıfıkatsııalaý týraly» zań jobasy boıynsha qorytyndy ázirleý jóninde másele qaraldy.
Birqatar salalyq komıtetter zań jobalarymen jumys isteýdi jalǵastyrý týraly usynys jasady. Sondaı-aq «Qazaqstan Respýblıkasynyń keıbir zańnamalyq aktilerine jumyldyrý daıyndyǵy men jumyldyrý máseleleri boıynsha ózgerister men tolyqtyrýlar engizý týraly» zań jobasy boıynsha Qos Palatanyń kelisim komıssııasynyń usynystary qaraldy.
