Májilis Bıýrosynyń otyrysy ótti
ASTANA. 24 jeltoqsan. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti.
Onda jalpy otyrystyń kún tártibine usynylatyn máseleler qaraldy.
Bıýro otyrysynda Palatanyń Halyqaralyq ister, qorǵanys jáne qaýipsizdik komıtetiniń málimeti boıynsha, birqatar zań jobalary talqyǵa shyǵarýǵa daıyn ekeni belgili boldy. Atap aıtqanda, «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Salyqtyq ákimshilendirýdi reformalaý jónindegi joba) ratıfıkatsııalaý týraly», «2009 jylǵy 11 jeltoqsandaǵy Keden odaǵynyń ósimdikter karantıni týraly kelisimine ózgerister engizý týraly hattamany ratıfıkatsııalaý týraly», «2009 jylǵy 11 jeltoqsandaǵy Keden odaǵynyń sanıtarııalyq sharalar jónindegi kelisimine ózgerister engizý týraly hattamany ratıfıkatsııalaý týraly» zań jobalary Májilistiń jalpy otyrysynyń kún tártibine engiziledi.
Sondaı-aq «Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý týraly» zań jobasy boıynsha qorytyndy ázirleý merzimi aıqyndalatyn boldy.
