Májilis Bıýrosynyń kún tártibinde: zııatkerlik menshik; notarıat; memlekettik áleýmettik tapsyrys
ASTANA. 17 maýsym. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti. Onda Májilistiń salalyq komıtetteri Palatanyń jalpy otyrysynyń kún tártibine usynǵan máseleler qaraldy,
dep habarlaıdy QR Parlamenti Májilisiniń baspasóz qyzmeti.
Zańnama jáne sot-quqyqtyq reforma komıteti «Qazaqstan Respýblıkasynyń keıbir zańnamalyq aktilerine zııatkerlik menshik máseleleri boıynsha ózgerister men tolyqtyrýlar engizý týraly» Zań jobasyn birinshi oqylymǵa usynyp jáne «Notarıat týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Zań jobasyn ortaǵa salatyn boldy.
Al, Ekologııa máseleleri jáne tabıǵat paıdalaný komıteti «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý týraly» Zań jobasyn ekinshi oqylymǵa shyǵaryp otyr.
Joǵaryda atalǵan jáne basqa máselelermen birge kún tártibinde birqatar halyqaralyq qujattardy ratıfıkatsııalaý týraly jáne jumysyn jalǵastyrý jóninde máseleler naqtylanǵan.
Áleýmettik - mádenı damý komıteti, atap aıtqanda «Qazaqstan Respýblıkasynyń Eńbek kodeksine ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly» Zań jobalarymen jumysty jalǵastyrý jóninde áriptesterine usynys jasaıdy.
Halyqaralyq ister, qorǵanys jáne qaýipsizdik komıteti Palatanyń jalpy otyrysyna «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy óteýsiz áskerı-tehnıkalyq kómek kórsetý týraly kelisimdi ratıfıkatsııalaý týraly» Zań jobasy boıynsha qorytyndy ázirleýdi usyndy.
Zańnama jáne sot-quqyqtyq reforma komıteti «Qazaqstan Respýblıkasynyń keıbir zańnamalyq aktilerine memlekettik organdardyń quziretin zańnamalyq jáne (nemese) zańǵa táýeldi deńgeıde bekitý máseleleri boıynsha ózgerister men tolyqtyrýlar engizý týraly» zań jobasyna qorytyndy ázirleý máselesin kún tártibine shyǵarady.
Bıýro otyrysynda Májilistiń zań shyǵarýshylyq qyzmetine qatysty ózge de máseleler qaraldy.
