Májilis Bıýrosynyń kezekti otyrysy ótti

Onda aldaǵy aptada Májilistiń jalpy otyrysyna shyǵarylatyn máseleler saralandy.

Palatanyń Halyqaralyq ister, qorǵanys jáne qaýipsizdik komıteti «2007 jylǵy 6 qazandaǵy Keden odaǵynyń komıssııasy týraly shartqa ózgerister men tolyqtyrýlar engizý týraly hattamany ratıfıkatsııalaý týraly»zań jobasy depýtattardyń talqysyna shyǵarylatynyn habarlady.

Áleýmettik-mádenı damý komıteti«Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly»zań jobasyn kún tártibine engizýge daıyn ekenin málimdedi.

Sondaı-aq jalpy otyrysta Úkimetten Májiliske kelip túsken «Qazaqstan Respýblıkasynyń Úkimeti men Ispanııa Koroldiginiń Úkimeti arasyndaǵy Aýǵanstan Islam Respýblıkasyn turaqtandyrý men qalpyna keltirý jónindegi halyqaralyq kúsh-jigerlerge Ispanııa Koroldiginiń qatysýyna baılanysty áskerı múlikti jáne personaldy Qazaqstan Respýblıkasynyń aýmaǵy arqyly tranzıtteýdi qamtamasyz etý týraly kelisimdi ratıfıkatsııalaý týraly» jańa zań jobasy boıynsha qorytyndy ázirleý máselesi qaralatyn boldy.

Bıýro otyrysynda Májilistiń zań shyǵarmashylyq isine qatysty basqa da máseleler qaraldy.