Májilis Bıýrosynda jalpy otyrystyń máseleleri aıqyndaldy
ASTANA. 7 maýsym. QazAqparat - Búgin QR Parlamenti Májilisinde Palata Spıkeri Nurlan Nyǵmatýlınniń tóraǵalyǵymen Bıýronyń otyrysy ótti, onda jalpy otyrystyń máseleleri aıqyndaldy. Bul týraly Májilistiń baspasóz qyzmetinen habarlady.
Depýtattardyń qaraýyna azaptaýlardyń jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrleriniń aldyn alýǵa baǵyttalǵan ulttyq aldyn alý tetigin jasaýǵa qatysty zańnamalyq túzetýler ekinshi oqylymǵa shyǵarylady.
Sonymen qatar Palataǵa jańa zań jobalarynyń toptamasy boıynsha qorytyndylar ázirleý merzimderin belgileý usynyldy. Olar túzetýler engizilgen ilespe zań jobasymen qosa «Jeke detektıvtik qyzmet týraly» zań jobasy, «Halyq densaýlyǵy jáne densaýlyq saqtaý júıesi týraly» Kodekske engiziletin jańashyldyqtar bolyp tabylady.
Depýtattardyń «Balalardy densaýlyǵy men damýyna zııan tıgizetin aqparattan qorǵaý týraly» zań jobasymen jumysty jalǵastyrýǵa jáne tórelik jáne aralyq sot qyzmetin jetildirýge qatysty túzetýler boıynsha palataaralyq kelisim komıssııasynyń usynystaryna qatysty máseleni aıqyndaýy qajet.
