Májilis Bıýrosynda jalpy otyrystyń kún tártibine usynylatyn zań jobalary anyqtaldy
ASTANA. Maýsymnyń 4-i. QazAaqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen ótken Palata Bıýrosynyń otyrysynda zań jobalarynyń daıyndyǵy týraly máseleler qaraldy,
dep habarlaıdy QazAqparat.
Zańnama jáne sot-quqyqtyq reforma komıteti «Qazaqstan Respýblıkasynyń keıbir zańnamalyq aktilerine azamattardy ustaý negizderi men tártibin bekitý máseleleri boıynsha ózgerister men tolyqtyrýlar engizý týraly» (birinshi oqylym) jáne «Qazaqstan Respýblıkasynyń keıbir zańnamalyq aktilerine azamattyq zańnamany jetildirý máseleleri boıynsha ózgerister men tolyqtyrýlar engizý týraly» (ekinshi oqylym) zań jobalaryn Palata talqysyna shyǵarýǵa bolatynyn málim etti.
Halyqaralyq ister, qorǵanys jáne qaýipsizdik komıtetiKeden odaǵyna qatysty birqatar zań jobalaryn qaraýdy usynyp otyr. Sonymen qatar osy komıtettiń usynýymen «Qazaqstan Respýblıkasynyń Úkimeti men Aýǵanstan Islam Respýblıkasynyń Úkimeti arasyndaǵy Bilim berý salasyndaǵy yntymaqtastyq týraly kelisimdi ratıfıkatsııalaý týraly»zań jobasy qaralady.
Bıýro otyrysynda Ekonomıkalyq reforma jáne óńirlik damý komıteti«Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda talqyǵa salýǵa bolatynyn málim etti.
