Májilis bıýrosynda jalpy otyrystyń kún tártibin naqtylady
Depýtattar nazaryna «Jeke detektıvtik qyzmet týraly» zań jobasy ilespeli túzetýlermen birinshi oqylymda usynylyp otyr.
Osy kúni májilismender menshik quqyǵyn qorǵaýdy kúsheıtý, sharttyq mindettemelerdi qorǵaýdy kepildendirý jáne olardy buzǵany úshin jaýapkershilikti qatańdatý máseleleri boıynsha túzetýlerdi ekinshi oqylymda qaramaq.
Sonymen qatar, kún tártibi jobasynda Bolgarııa jáne Rýmynııa elderimen adamdardy ustap berý týraly sharttardy, sondaı-aq, Rýmynııamen sottalǵan adamdardy berý týraly shartty ratıfıkatsııalaýǵa qatysty zań jobalary qamtylǵan.
Jalpy otyrysta Májilis sot júıesi men sýdıalarynyń mártebesi týraly Konstıtýtsııalyq zańǵa jáne konstıtýtsııalyq zańdarǵa azamattyq protsestik zańnamany jetildirý máseleleri boıynsha ózgeristerge qatysty zań jobalary men Kaspıı teńiziniń sý bıologııalyq resýrstaryn saqtaý jáne utymdy paıdalaný týraly, Reseımen Baıqońyr qalasynyń bilim berý uıymdaryn berý týraly kelisimderdi ratıfıkatsııalaý týraly zań jobalaryna baılanysty beıindi komıtetterge qorytyndy ázirleý merzimin taǵaıyndamaq.