Májilis bıýrosynda jalpy otyrystyń kún tártibi naqtylandy
NUR-SULTAN. QazAqparat - Májilis spıkeri Erlan Qoshanovtyń tóraǵalyǵymen Palata bıýrosy ótip, onda aldaǵy jalpy otyrystyń kún tártibi naqtylandy, dep habarlaıdy QazAqparat tómengi palatanyń baspasóz qyzmetine siilteme jasap.
Depýtattar qaraýyna Ákimshilik quqyq buzýshylyq týraly kodekske baılanys máseleleri boıynsha ózgerister men tolyqtyrýlar engizý týraly zań jobasyn birinshi oqylymda qaraý usynyldy.
Zań jobasy baılanys qyzmetterin kórsetý qaǵıdalaryn buzǵany úshin ákimshilik jaýapkershilikti belgileýdi, sondaı-aq ınternet sapasynyń belgilengen talaptaryna sáıkes kelmegeni úshin aıyppuldar somasyn ulǵaıtý arqyly retteýshiniń rólin kúsheıtýdi qarastyrady. Sonymen qatar uıaly jáne tirkelgen baılanys qyzmetterin kórsetý sapasyn arttyrý maqsatynda aıyppuldar somasyn ulǵaıtý qajet jáne baılanys operatorlaryn sapaly baılanys qyzmetterin usynýǵa yntalandyrýǵa tıis.
Otyrys barysynda depýtattar ekinshi oqylymda bala quqyqtaryn qorǵaý máseleleri boıynsha zań jobasyn qaraıtyn bolady.
Sondaı-aq kún tártibiniń jobasynda Birikken Ulttar Uıymynyń medıatsııa nátıjesinde qol jetkizilgen halyqaralyq tatýlasý kelisimderi týraly konventsııasyn ratıfıkatsııalaý týraly zań jobasy bar.
