Májilis bıýrosynda jalpy otyrysta qaralatyn máseleler naqtylandy
ASTANA. QazAqparat - Búgin Májilis spıkeri Qabıbolla Jaqypovtyń tóraǵalyǵymen Palata bıýrosy ótti. Onda depýtattardyń aldaǵy jalpy otyrysynda qaralatyn máseleler naqtylandy, dep habarlady Májilistiń baspasóz qyzmetinen.
«Halyq densaýlyǵy jáne densaýlyq saqtaý júıesi týraly» Kodeks jobasy birinshi oqylymǵa shyǵarylatyn boldy. Al Qylmystyq is júrgizý kodeksiniń jobasy ilespesimen ekinshi oqylymda qaralady.
Salalyq komıtet Qylmystyq is júrgizý kodeksin daıarlaýdyń basty maqsaty qylmystyq sot óndirisin odan ári jetildirý jáne azamattardyń konstıtýtsııalyq quqyqtary men erkindigin tıimdi qorǵaý bolyp otyrǵanyn atap ótti. Kodeks jobasynyń kontseptýaldy erejelerin Palata osy jyldyń 5 aqpanynda birinshi oqylymda maquldaǵan bolatyn. Depýtattar negizinen sottardyń tergeýi men qorǵaýshylardyń ókilettigin keńeıtý, sot óndirisi isinde utymdy sóz jarystary men taraptar teńdigi, sonymen qatar keıbir jobanyń jeke baptaryn jetildirý boıynsha túzetýler engizdi.
