Májilis bıýrosynda jalpy otyrysta qaralatyn máseleler belgilendi

Bul týraly QR Parlamenti Májilisi Apparatynyń baspasóz qyzmetinen habarlady. Palata qaraýyna Qylmystyq kodekstiń jobasy ilespe túzetýlerimen birinshi oqylymǵa shyǵarylady. Salalyq komıtet Bıýroǵa baıandaý barysynda Qylmystyq kodeks jobasynyń jańa redaktsııasy Qazaqstan Respýblıkasynyń Prezıdentiniń 2012 jylǵy 6 qańtardaǵy tapsyrmasyna oraı, 2010-2020 jyldarǵa jasalǵan saıası quqyqtyq Tujyrymdamasynyń erejeleri jáne de memlekettiń halyqaralyq mindettemelerin júzege asyrý qajettigin eskere otyryp jasalǵanyn atap ótti. Jalpy otyrystyń kún tártibiniń jobasyna Túrkitildes memleketterdiń yntymaqtastyq keńesi Hatshylyǵynyń qarjylyq qaǵıdalary týraly Kelisimdi ratıfıkatsııalaýǵa qatysty zań jobasy da qosyldy. Osylarmen qatar Palataǵa ratıfıkatsııalanatyn eki zań jobasyna: «Jalaqyny qorǵaý týraly (95-konventsııa) jáne eń tómengi jalaqyny belgileý rásimin jasaý týraly (26-konventsııa) qorytyndy ázirleý mezgilin naqtylaý usynyldy.