Májilis Bıýrosynda zań jobalarynyń daıyndyǵy týraly másele qaraldy
ASTANA. Mamyrdyń 17-si. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti. Onda Májilistiń jalpy otyrysyna shyǵarylatyn máseleler saralandy,
dep habarlaıdy QazAqparat.
Depýtattardyń talqysyna «Qazaqstan Respýblıkasynyń keıbir zańnamalyq aktilerine munaı jáne munaı ónimderiniń aınalymy salasynda memlekettik baqylaýdy kúsheıtý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda usynylatyn boldy.
Sonymen qatar Ekologııa máseleleri jáne tabıǵat paıdalaný komıteti «Qazaqstan Respýblıkasynyń keıbir zańnamalyq aktilerine órt qaýipsizdigi máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy boıynsha Qazaqstan Respýblıkasy Parlamentiniń Májilisi men Senaty arasyndaǵy kelispeýshilikterdi eńserý jónindegi kelisim komıssııasynyń usynystary týraly málimet berdi.
Bıýro otyrysynda depýtattyq korpýstyń zań shyǵarýshylyq qyzmetine qatysty basqa da máseleler qaraldy.
