Májilis bıýrosynda Palatanyń jalpy otyrysynyń kún tártibi naqtylandy
ASTANA. QazAqparat - Búgin Qabıbolla Jaqypovtyń tóraǵalyǵymen Májilis bıýrosy ótip, Palatanyń jalpy otyrysynyń kún tártibi naqtylandy. Bul týraly QR Parlamenti Májilisi Apparatynyń baspasóz qyzmetinen habarlady.
Ol boıynsha depýtattar ruqsatsyz bolatyn adamdardyń readmıssııasy týraly qazaqstandyq - shveıtsarııalyq kelisimdi, sondaı-aq, Túrki Akademııasyn qurý týraly Kelisimdi ratıfıkatsııalaý máselelerin qarastyrady.
Sonymen birge, beıindi komıtetterge birqatar jańa zań jobalary, atap aıtatyn bolsaq, 1999 jylǵy 2 aqpandaǵy taýarlardy (jumystardy) eksporttaý jáne ımporttaý kezinde janama salyqtardy óndirip alýdyń prıntsıpteri týraly kelisimniń qoldanysyn toqtatý týraly qazaqstandyq-belarýstik úkimetaralyq hattamany ratıfıkatsııalaý týraly» jáne «Ósimdikter karantıni týraly» qujattarǵa qatysty qorytyndy ázirleý merzimin taǵaıyndaý usynylady.
