Májilis bıýrosynda palatanyń kún tártibi belgilendi
ASTANA. 28 qyrkúıtsek. QazAqparat - Búgin Májilis tóraǵasy Nurlan Nyǵmatýlınniń jetekshiligimen ótken Palata Bıýrosynda depýtattar jalpy otyrysta ratıfıkatsııalanatyn bir top qujatty engizý týraly sheshim qabyldady.
Bul týraly QR Parlamenti Májilisiniń baspasóz qyzmeti habarlady.
Halyqaralyq ister, qorǵanys jáne qaýipsizdik komıtetiniń baıandaýynsha, parlamentshilerdiń talqylaýyna «Keden odaǵyna múshe memleketterdiń keden qyzmetteriniń birikken alqasy týraly shartty ratıfıkatsııalaý týraly», «Balalardy halyqaralyq urlaýdyń azamattyq-quqyqtyq aspektileri týraly konventsııany ratıfıkatsııalaý týraly» jáne «2008 jylǵy 25 qańtardaǵy Úshinshi elderge qatysty arnaıy qorǵaý, dempıngke qarsy jáne ótemaqy sharalaryn qoldaný týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobalaryn shyǵaratyn boldy.
Sonymen qatar Palatanyń Ekonomıkalyq reforma jáne óńirlik damý komıteti «Qazaqstan Respýblıkasynyń keıbir zańnamalyq aktilerine áleýmettik mańyzy bar memlekettik qyzmetter máseleleri boıynsha ózgerister men tolyqtyrýlar engizý týraly» zań jobasy boıynsha qorytyndy ázirleýdiń merzimin anyqtaıdy.
Sondaı-aq, kún tártibinde Májilis depýtattarynyń birqatar halyqaralyq parlamenttik sharalar men komıtetterdiń kóshpeli otyrystaryna qatysý týraly máseleler de qarastyrylǵan.
