Májilis Bıýrosynda Palatanyń aldaǵy jalpy otyrysynda qaralatyn kún tártibiniń jobasy naqtylandy
ASTANA. QazAqparat - Búgin Qabıbolla Jaqypovtyń tóraǵalyǵynda Májilis Bıýrosy ótti. Onda Palatanyń aldaǵy jalpy otyrysynda qaralatyn kún tártibiniń jobasy naqtylandy, dep habarlaıdy Májilistiń baspasóz qyzmetinen.
Depýtattardyń talqylaýyna ekinshi oqylymǵa ekstremızmge jáne terrorızmge qarsy is-qımyl máselelerine qatysty zańnamalyq túzetýler jáne elektr energetıkasy obektileriniń jumysyn baqylaýdy jáne qadaǵalaýdy uıymdastyrý máseleleri týraly zań jobalary shyǵarylatyn boldy.
Kún tártibine ratıfıkatsııalanatyn eki zań jobasy: Sıngapýrmen úkimetaralyq tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly Kelisim men Halyqaralyq Qaıta Qurý jáne Damý Banki arasyndaǵy Qaryz týraly Kelisim qosyldy.
Sonymen qatar osy jalpy otyrysta Májilis depýtattary «Qylmystyq áreketten túsken tabystardy jylystatý, anyqtaý, alyp qoıý jáne tárkileý týraly konventsııany ratıfıkatsııalaý týraly» zań jobasyna túzetý engizýdi qarastyrady.
Palataǵa «Esirtki, psıhotroptyq zattar men olardyń prekýrsorlaryn Keden odaǵynyń keden aýmaǵy arqyly ótkizý tártibi týraly kelisimdi ratıfıkatsııalaý týraly» zań jobasyn qarastyrý usynylady.
