Májilis bıýrosynda Palatanyń aldaǵy jalpy otyrysta qaralatyn máseleler belgilendi
ASTANA. 8 qarasha. QazAqparat - Búgingi ótken Májilis bıýrosynda depýtattar salalyq komıtetterde qorytyndy ázirleý mezgilderin naqtylaıtyn bir top zań jobasy qalyptastyryldy.
Bul týraly Májilistiń baspasóz qyzmetinen habarlady.
Jańa qujattar úsh topqa bólinedi: alǵashqysy - Keden odaǵynyń biryńǵaı keden aýmaǵynda syrtqy jáne ózara saýdada elektrondyq qujattar almasý kezinde aqparattyq tehnologııalardy qoldaný týraly, Keden odaǵynyń syrtqy jáne ózara saýdasynyń ıntegratsııalanǵan aqparattyq júıesin qurý, onyń jumys isteýi jáne damýy týraly kelisimderdi ratıfıkatsııalaý jaıynda.
Ekinshi topta Qazaqstan Respýblıkasynyń keıbir zańnamalyq aktilerine ákimshilik quqyq buzýshylyq týraly Kodeksiniń jobasy ilespe túzetýlerimen bar. Úshinshi topqa jer qatynastaryn retteý máselelerine qatysty túzetýler qosylyp, onymen Palataǵa jumysty jalǵastyrý úshin salalyq komıtetke qorytyndy ázirleý mezgilin naqtylaý qajet.
Palatanyń kún tártibine «Qazaqstan Respýblıkasynyń keıbir zańnamalyq aktilerine Astanada EKSPO-2017 halyqaralyq mamandandyrylǵan kórmesin uıymdastyrý jáne ótkizý máseleleri boıynsha ózgerister men tolyqtyrýlar engizý týraly» Elbasy shuǵyl dep jarııalaǵan zań jobasy qosyldy.
Jalpy otyrystyń kún tártibine birinshi oqylymǵa «Qazaqstan Respýblıkasynyń keıbir zańnamalyq aktilerine sáýlet, qala qurylysy jáne qurylys qyzmeti máseleleri boıynsha ózgerister men tolyqtyrýlar engizý týraly» zań jobasy engizilip otyr.
Depýtattarǵa atqarýshylyq is júrgizýdi jetildirý máseleleri boıynsha zań jobasy ekinshi oqylymǵa usynyldy. Májilis Tóraǵasy Nurlan Nyǵmatýlın salalyq komıtetterge Palatanyń jalpy otyrysyna shyǵarylatyn zań jobalaryn muqııat ázirleýdi tapsyrdy.
