Májilis Bıýrosynda Palata otyrysynyń kún tártibi qaraldy
ASTANA. Qazannyń 15-i. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti. Onda Májilistiń salalyq komıtetteriniń usynýymen sársenbi kúni ótetin jalpy otyrystyń kún tártibine usynylatyn máseleler qaraldy.
Depýtattardyń talqysyna halyqaralyq mańyzǵa ıe zań jobasy usynylatyn boldy. Atap aıtqanda, «Eýropa mádenı konventsııasyn ratıfıkatsııalaý týraly»zań jobasy Palatanyń jalpy otyrysynyń kún tártibine shyǵarylady.
Sonymen birge Májilistiń jalpy otyrysynda Úkimetten kelip túsken jańa zań jobalaryna qorytyndy ázirleý ýaqyttary anyqtalatyn bolady. Onyń ishinde «Qazaqstan Respýblıkasynyń keıbir zańnamalyq aktilerine ıslamdyq qarjylandyrýdy uıymdastyrý máseleleri boıynsha tolyqtyrýlar men ózgerister engizý týraly» zań jobasy bar.
Sol sekildi Áleýmettik-mádenı damý komıteti «Ǵylym týraly», «Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly», sondaı-aq Ekologııa máseleleri jáne tabıǵat paıdalaný komıteti«Atom energııasyn paıdalaný týraly»,«Jeke kásipkerlik týraly» Qazaqstan Respýblıkasynyń Zańyna tolyqtyrý engizý týraly»zań jobalarymen jumysty jalǵastyrý jóninde usynys jasady. Bul máseleler de Májilistiń jalpy otyrysynda qaralatyn boldy.
