Májilis Bıýrosynda Palata otyrysynyń kún tártibi qalyptastyryldy
ASTANA. 5 qarasha. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti. Onda Májilistiń salalyq komıtetteriniń usynýymen sársenbi kúni ótetin jalpy otyrystyń kún tártibine usynylatyn máseleler qaraldy.
Zańnama jáne sot-quqyqtyq reforma komıtetiniń usynýymen «Qazaqstan Respýblıkasynyń keıbir zańnamalyq aktilerine azamattardy ustaý negizderi men tártibin bekitý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda depýtattardyń talqysyna shyǵarylady. Sondaı-aq «Qazaqstan Respýblıkasynyń keıbir zańnamalyq aktilerine qoǵamdyq qaýipsizdikti qamtamasyz etý salasynda ishki ister organdarynyń qyzmetin jetildirý máseleleri boıynsha ózgerister men tolyqtyrýlar engizý týraly» zań jobasy birinshi oqylymda talqyǵa túsedi.
Bıýro otyrysynda Qarjy jáne bıýdjet komıteti «Qazaqstan Respýblıkasynyń keıbir zańnamalyq aktilerine ıpotekalyq nesıe berý jáne qarjylyq qyzmetterde tutynýshylar men ınvestorlardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymǵa ázirlegenin málim etti.
Sonymen birge Májilistiń jalpy otyrysynda Úkimetten kelip túsken jańa zań jobalaryna qorytyndy ázirleý ýaqyttary anyqtalatyn bolady. Onyń ishinde «Quqyq qorǵaý qyzmeti týraly», «Qazaqstan Respýblıkasynyń keıbir zańnamalyq aktilerine quqyq qorǵaý qyzmeti jáne synyptyq shen, áskerı jáne arnaýly ataqtar berý, áskerı qyzmetshilerdiń jáne ózge de memlekettik organdar qyzmetkerleriniń nysandy kıim kıip júrý quqyǵy máseleleri boıynsha ózgerister men tolyqtyrýlar engizý týraly» zań jobalary bar.
Elimizdiń keıbir zańnamalyq aktilerine bıýdjet úderisinde memlekettik jáne bıýdjettik josparlaý jónindegi ýákiletti organdar kuzyretiniń arajigin ajyratý máseleleri boıynsha ózgerister engizý týraly, «Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly», «Qazaqstan Respýblıkasynda zeınetaqymen qamsyzdandyrý týraly» Qazaqstan Respýblıkasynyń Zańyna ózgerister engizý týraly» zań jobalary boıynsha qorytyndy ázirleý jóninde másele qaralady.
