Májilis Bıýrosynda Palata otyrysynyń kún tártibi anyqtaldy
ASTANA. 2 qarasha. QazAqparat - QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti.
Onda Májilistiń salalyq komıtetteriniń usynýymen aldaǵy aptada ótetin jalpy otyrystyń kún tártibine usynylatyn máseleler qaraldy.
Bıýro otyrysynda Úkimetten kelip túsken jańa zań jobalary jóninde málimet jasaldy. Atap aıtqanda, «Qazaqstan Respýblıkasynyń dıplomatııalyq qyzmeti týraly» Qazaqstan Respýblıkasynyń Zańyna ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine prokýratýra organdarynyń qyzmetin jetildirý máseleleri boıynsha ózgerister men tolyqtyrýlar engizý týraly», sondaı-aq «Qazaqstan Respýblıkasynyń keıbir zańnamalyq aktilerine qylmystyq zańnamany odan ári izgilendirý jáne qylmystyq protsestegi zańdylyqtyń kepildikterin kúsheıtý máseleleri boıynsha ózgerister men tolyqtyrýlar engizý týraly» zań jobalaryna Palatanyń jalpy otyrysynda qorytyndy ázirleý ýaqyttary anyqtalatyn bolady.
Áleýmettik-mádenı damý komıtetine «Halyqtyń kóshi-qony týraly» Qazaqstan Respýblıkasy Zańynyń jobasymen jumysty jalǵastyrý mindeti júkteldi.
Zańnama jáne sot-quqyqtyq reforma komıteti «Qazaqstan Respýblıkasynyń keıbir zańnamalyq aktilerine azamattyq zańnamany jetildirý máseleleri boıynsha ózgerister men tolyqtyrýlar engizý týraly» zań jobasyna Parlament Senaty engizgen túzetýler jóninde málimdedi.
Halyqaralyq ister, qorǵanys jáne qaýipsizdik komıteti «2006 jylǵy 5 mamyrdaǵy Qazaqstan Respýblıkasynyń Úkimeti jáne Amerıka Qurama Shtattarynyń Úkimeti arasyndaǵy Ekonomıkalyq damý jónindegi Qazaqstan-Amerıkan baǵdarlamasy boıynsha ózara túsinistik týraly memorandýmǵa Qosymsha kelisimdi ratıfıkatsııalaý týraly» zań jobasyn Palatanyń jalpy otyrysynyń qaraýyna usynyp otyr.
