Májilis Bıýrosynda depýtattar talqysyna shyǵarylatyn zań jobalary belgili boldy
ASTANA. 10 maýsym. QazAqparat - Búgin QR Parlamenti Májilisiniń tóraǵasy Oral Muhamedjanovtyń jetekshiligimen Palata bıýrosynyń kezekti otyrysy ótti, dep habarlady QR Parlamenti Májilisiniń baspasóz qyzmeti.
Onda aldaǵy aptada Májilistiń jalpy otyrysyna shyǵarylatyn máseleler saralandy.
Palatanyń Qarjy jáne bıýdjet komıteti elimizdiń keıbir zańnamalyq aktilerine bank qyzmetin jáne qarjy uıymdaryn retteý máseleleri boıynsha táýekelderdi azaıtý bóliginde tolyqtyrýlar engizýdi kózdeıtinzań jobasyn birinshi oqylymdaqaraýdy usyndy.
Ekonomıkalyq reforma jáne óńirlik damý komıteti «Ǵarysh qyzmeti týraly» jáne soǵan sáıkes ilespe zań jobasy birinshi oqylymda depýtattardyń talqysyna shyǵarylatynyn habarlady.
Halyqaralyq ister, qorǵanys jáne qaýipsizdik komıteti birneshe zań jobasyn kún tártibine shyǵarýdy usynyp otyr. Atap aıtqanda, «Kelisilgen makroekonomıkalyq saıasat týraly kelisimdi ratıfıkatsııalaý týraly», Qazaqstan men Frantsýz Úkimetteri arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý jóninde, «Ótpeli kezeń ishinde arnaıy qorǵaý, dempıngke qarsy jáne ótemaqy sharalaryn qoldaný tártibi týraly kelisimdi ratıfıkatsııalaý týraly» zań jobalary bar. Sonymen qatar «Úshinshi elderge qatysty arnaıy qorǵaý, dempıngke qarsy jáne ótemaqy sharalaryn engizý aldyndaǵy tekserister maqsattary úshin tekserý júrgizetin organǵa málimetterdi, onyń ishinde qupııa aqparatty qamtıtyn málimetterdi berý tártibi týraly hattamany ratıfıkatsııalaý týraly», Qazaqstan men Koreıa arasyndaǵy Qylmystyq ister boıynsha ózara quqyqtyq kómek týraly shartty ratıfıkatsııalaý týraly, «1992 jylǵy 15 mamyrdaǵy Ujymdyq qaýipsizdik týraly shartqa qatysýshy memleketter arasyndaǵy Áskerı-tehnıkalyq yntymaqtastyqtyń negizgi qaǵıdattary týraly kelisimge tolyqtyrýlar engizý týraly ekinshi hattamany ratıfıkatsııalaý týraly», «1992 jylǵy 15 mamyrdaǵy Ujymdyq qaýipsizdik týraly shartqa qatysýshy memleketter arasyndaǵy Áskerı-tehnıkalyq yntymaqtastyqtyń negizgi qaǵıdattary týraly kelisimniń sheńberinde jetkiziletin áskerı maqsattaǵy ónimderdiń nysanaly paıdalanylýyn baqylaýdy júzege asyrý tártibi týraly hattamaǵa tolyqtyrý engizý týraly ekinshi hattamany ratıfıkatsııalaý týraly» zań jobalary da Palata talqysyna usynyldy.
Zańnama jáne sot-quqyqtyq reforma komıteti birqatar zańnamalyq aktilerge uıymdasqan qylmysqa qarsy is-qımyl máseleleri boıynsha túzetýler engizýdi qarastyrǵan zań jobasyn ekinshi oqylymda qaraý úshin kún tártibine engizýge daıyn ekenin málimdedi.
