Májilis bıýrosynda bıýdjettik kodekstiń jańa jobasy talqylandy
ASTANA. 5 qazan. QazAqparat - Búgin QR Parlamenti Májilisinde palata spıkeri Nurlan Nyǵmatýlınniń tóraǵalyǵymen ótken palata bıýrosynda aldaǵy plenarlyq otyrystyń kún tártibine engiziletin zań jobalary anyqtaldy.
Bul týraly QR Parlamenti Májilisiniń baspasóz qyzmeti habarlaıdy.
Qarjy jáne bıýdjet komıteti «Qazaqstan Respýblıkasynyń Bıýdjet kodeksine bıýdjetti josparlaý jáne onyń atqarylý protsesin jetildirýdiń keıbir máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyn birinshi oqylymda qaraýdy usyndy.
Áleýmettik-mádenı damý, Zańnama jáne sot-quqyqtyq reforma komıtetteriniń baıandamalary boıynsha kún tártibi jobasyna áleýmettik qamsyzdandyrý máseleleri boıynsha (birinshi oqylym), sonymen birge, zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha (ekinshi oqylym) tıisti ózgerister engizý usynyldy.
Al Halyqaralyq ister, qorǵanys jáne qaýipsizdik komıtetiniń usynysymen «Eýrazııalyq ekonomıkalyq qoǵamdastyq sheńberinde Keden odaǵyna múshe memleketterdiń keden qyzmetteri ókildikteriniń qyzmeti máseleleri boıynsha keden isterindegi yntymaqtastyq jáne ózara kómek týraly kelisimdi ratıfıkatsııalaý týraly» Qazaqstan Respýblıkasy Zańynyń jobasy depýtattar talqysyna túsedi.
Sonymen birge, palata Áleýmettik-mádenı damý komıtetine «Qazaqstan Respýblıkasynyń keıbir zańnamalyq aktilerine jetim balalar men ata-anasynyń qamqorlyǵynsyz qalǵan balalardyń turǵyn úıge quqyqtaryn qamtamasyz etý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy boıynsha qorytyndy ázirleýdiń ýaqytyn belgileıtin bolady.
