Májilis Bıýrosynda aldaǵy jalpy otyrystyń kún tártibi naqtylandy

Depýtattar talqysyna Ákimshilik quqyq buzýshylyq týraly kodeks, eń tómengi áleýmettik standarttar men kepildikter, úshinshi elderge qatysty arnaıy qorǵaý, dempıngke qarsy jáne ótemaqy sharalary týraly zań jobalary birinshi oqylymda usynylady.

Sondaı-aq, kún tártibi jobasynda Qazaqstan Úkimeti men Katar Memleketi Úkimeti arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý, Qazaqstan Úkimeti men Ózbekstan Úkimeti arasyndaǵy Azamattardyń ózara saparlarynyń sharttary týraly, Qazaqstan Úkimeti men Janýarlardyń saýlyǵy jónindegi dúnıejúzilik uıym arasyndaǵy Janýarlardyń saýlyǵy jónindegi dúnıejúzilik uıymnyń Aýsyl boıynsha sýbóńirlik úılestirý keńsesin Astana qalasynda qurý týraly kelisimderdi jáne shekaraaralyq sý arnalary men halyqaralyq kólderdi qorǵaý jáne paıdalaný týraly konventsııanyń 25 jáne 26-baptaryna túzetýdi ratıfıkatsııalaýǵa qatysty qujattar bar.

Májilismender osy kúni energııa únemdeý jáne energııa tıimdiligin arttyrýǵa, sondaı-aq, turǵyn úı qatynastary máseleleri boıynsha Senat engizgen ózgeristerdi qaraıdy.

Sonymen qatar halyq qalaýlylary Palataǵa túsken birqatar jańa zań jobalaryn jumysqa qabyldaıdy, dep habarlady Májilistiń baspasóz qyzmeti.