Májilis Bıýrosynda aldaǵy jalpy otyrysta qaralatyn máseleler talqylandy
ASTANA. QazAqparat - Búgin Palata spıkeri Nurlan Nyǵmatýlınniń tóraǵalyǵymen Májilistiń Bıýro otyrysy ótti.
Aldaǵy jalpy otyrysta halyq qalaýlylary TMD-ǵa qatysýshy memleketterdiń tótenshe jaǵdaılardyń aldyn alý jáne olardy joıý salasyndaǵy yntymaqtastyǵy týraly kelisimdi ratıfıkatsııalaıtyn zań jobasyn qaraıdy dep kútilýde.
Kelisim tótenshe jaǵdaılardyń aldyn alý jáne olardy joıý salasyndaǵy TMD-ǵa qaysýshy memleketterdiń quzyretti organdary yntymaqtastyǵynyń quqyqtyq negizderin belgileýge baǵyttalady.
Sonymen birge, osy kúni Palata ekologııalyq máselelerge qatysty túzetýlerge baılanysty Zań jobasy boıynsha qorytyndy ázirleý merzimin taǵaıyndamaq, dep habarlaıdy Májilistiń baspasóz qyzmeti.
