Májilis bıýrosynda aldaǵy jalpy otyrysta qaralatyn máseleler naqtylandy
ASTANA. 18 qańtar. QazAqparat - Búgingi Parlament Májilisiniń Bıýrosynda aldaǵy ótetin jalpy otyrysta qaralatyn máseleler naqtylandy, dep habarlaıdy Májilis Apparatynyń baspasóz qyzmeti.
Depýtattardyń talqylaýyna «Qazaqstan Respýblıkasynyń keıbir zańnamalyq aktilerine tóreliktiń jáne aralyq sottyń qyzmetin jetildirý máseleleri boıynsha ózgerister men tolyqtyrýlar engizý týraly» zań jobasy birinshi oqylymǵa shyǵarylatyn boldy.
Sonymen birge, «2010 jylǵy 21 mamyrdaǵy Kedendik tranzıttiń kedendik rásimine sáıkes tasymaldanatyn taýarlarǵa qatysty kedendik bajdardy, salyqtardy tóleýdi qamtamasyz etýdi usynýdyń keıbir máseleleri, kedendik bajdardy, salyqtardy óndirip alýdyń erekshelikteri jáne osyndaı taýarlarǵa qatysty óndirip alynǵan somany aýdarý tártibi týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» jáne «2000 jylǵy 19 mamyrdaǵy Qazaqstan Respýblıkasynyń Úkimeti men Ýkraına Mınıstrler Kabınetiniń arasyndaǵy azamattardyń ózara saparlary týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobalary depýtattar qaraýyna usynylady.
Aldaǵy ótetin jalpy otyrystyń kún tártibiniń jobasyna Palata qorytyndy ázirleý merzimin naqtylaıtyn: «Ońaltý jáne bankrottyq týraly», «Qazaqstan Respýblıkasynyń keıbir zańnamalyq aktilerine astyq naryǵyn retteý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» zań jobalary qosyldy.
QR Parlamenti Májilisiniń spıkeri Nurlan Nyǵmatýlın Májilistiń tıisti komıtetterine aldaǵy bolatyn jalpy otyrysta osy zań jobalaryn sapaly qamtamasyz etýdi tapsyrdy.
