Májilis Bıýrosynda aldaǵy jalpy otyrysta qaralatyn máseleler anyqtaldy
ASTANA. QazAqparat - Búgin Palata Spıkeri Nurlan Nyǵmatýlınniń tóraǵalyǵymen Májilis Bıýrosy ótip, aldaǵy jalpy otyrysta qaralatyn máseleler anyqtaldy, dep habarlady Májilistiń baspasóz qyzmetinen.
Depýtattardyń qaraýyna Eýrazııa ekonomıkalyq qoǵamdastyǵyna múshe memleketterdiń eksporttyq baqylaýynyń biryńǵaı tártibi týraly kelisiminiń kúshin joıýǵa qatysty zań jobasy usynylady.
Sonymen qatar, jalpy otyrysta «Qazaqstan Respýblıkasy men Ózbekstan Respýblıkasy arasyndaǵy strategııalyq áriptestik týraly shartty ratıfıkatsııalaý týraly» Zań jobasy qaralady.
Sondaı-aq, Palata qaraýyna Qazaqstan men Reseı Federatsııasy arasyndaǵy áýe shabýylyna qarsy qorǵanysynyń biryńǵaı óńirlik júıesin qurý týraly kelisimdi ratıfıkatsııalaý týraly zań jobasy boıynsha qorytyndy ázirleý merzimin belgileý usynylyp otyr.
Kún tártibi jobasynda ishki ister organdary týraly zań jobasyna qatysty Senat engizgen túzetýler de qamtylǵan.
