Májilis Bıýrosy jalpy otyrystyń kún tártibin qalyptastyrdy
ASTANA. 25 mamyr. QazAqparat - QR Parlamenti Májilisiniń tóraǵasy Nurlan Nyǵmatýlınniń jetekshiligimen palata Bıýrosynyń otyrysy ótti.
Onda aldaǵy aptada Májilistiń jalpy otyrysyna shyǵarylatyn máseleler sarapqa salyndy. Bul jóninde Májilistiń baspasóz qyzmetinen habarlady.
Áleýmettik-mádenı damý komıteti palatanyń talqysyna shyǵarýǵa birneshe zań jobasynyń daıyn ekendigin málimdedi. Atap aıtqanda, «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly»,«Qazaqstan Respýblıkasynyń memlekettik rámizderi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrý engizý týraly», «Qazaqstan Respýblıkasynyń keıbir zańnamalyq aktilerine memlekettik rámizder máseleleri boıynsha ózgerister men tolyqtyrýlar engizý týraly» zań jobalary ekinshi oqylymda talqyǵa shyǵarylatyn boldy.
Ekologııa máseleleri jáne tabıǵat paıdalaný komıtetiniń usynýymen «Magıstraldyq qubyr týraly» jáne «Qazaqstan Respýblıkasynyń keıbir zańnamalyq aktilerine magıstraldyq qubyr máseleleri boıynsha ózgerister men tolyqtyrýlar engizý týraly»zań jobalary ekinshi oqylymda palatanyń talqysyna shyǵarylady.
Úkimetten kelip túsken «Eýrazııalyq ekonomıkalyq qoǵamdastyqqa múshe memleketterdiń kapıtal qozǵalysyna baılanysty operatsııalardy retteý jáne baqylaý jónindegi valıýtalyq saıasattyń negizin quraıtyn qaǵıdattar týraly kelisimdi ratıfıkatsııalaý týraly» jáne «Qazaqstan Respýblıkasynyń keıbir zańnamalyq aktilerine básekelestik máseleleri boıynsha ózgerister men tolyqtyrýlar engizý týraly» zań jobalary boıynsha qorytyndy ázirleý máselesi qaraldy.
