Májilis bıýrosy: jalpy otyrystyń kún tártibi naqtylandy
ASTANA. QazAqparat - Búgin Qabıbolla Jaqypovtyń tóraǵalyǵymen Májilis Bıýrosy ótti. Onda Palatanyń aldaǵy jalpy otyrysynda qaralatyn kún tártibiniń jobasy naqtylandy, dep habarlady Májilistiń baspasóz qyzmeti.
Depýtattardyń talqylaýyna birinshi oqylymda oıyn bıznesi máseleleri boıynsha zańnamalyq túzetýler shyǵarylady.
Kezekti jalpy otyrystyń kún tártibine birqatar ratıfıkatsııalanatyn qujattar qosylatyn boldy. Olar 1999 jylǵy 2 aqpandaǵy qazaqstan-belorýs arasyndaǵy taýarlardy (jumystardy) eksporttaý jáne ımporttaý kezinde janama salyqtardy óndirip alýdyń prıntsıpteri týraly kelisimniń qoldanysyn toqtatý týraly jáne de Qorǵas ózeninde «Dostyq» birlesken ortaq sý toraby jónindegi qazaqstan-qytaı úkimetaralyq kelisimderi. Palataǵa azyq-túlik qaýipsizdigi jónindegi Islam Uıymynyń jarǵysyn ratıfıkatsııalaýdy qarastyrý da usynyldy.
Sol otyrysta Palata ekinshi oqylymda turǵyn úı qatynastary boıynsha máselelerge jasalatyn zańnamalyq túzetýler jobasyn da talqylaıtyn bolady.
Jalpy otyrysta depýtattar jańa zań jobalaryna qorytyndy ázirleý mezgilin de naqtylaıdy. Ol - qazaqstan-qytaı úkimetaralyq dıplomatııalyq ókildikterdiń ǵımarattaryn salý úshin jer ýchaskelerin ózara berý týraly kelisimdi ratıfıkatsııalaý týraly. Osymen birge kásipkerlik qyzmet úshin jaǵdaıdy túbegeıli jaqsartý máselelerine zańnamalyq jańalyqtar engizý týraly da zań jobasy bar.
