Májilis Bıýrosy jalpy otyrysta qaralatyn máselelerdi belgiledi
ASTANA. 20 qyrkúıek. QazAqparat - Májilis Bıýrosynda Palatanyń aldaǵy jalpy otyrysynda qaralatyn máseleleri belgilendi, dep habarlady palatanyń baspasóz qyzmetinen.
Depýtattar qaraýyna qosarlanǵan salyq salýdy boldyrmaý jónindegi qazaqstandyq - lıýksembýrgtik úkimetaralyq Konventsııany ratıfıkatsııalaý týraly zań jobasy usynylmaq.
Kún tártibiniń jobasyna sondaı-aq, eńbek kóshi-qony máseleleri boıynsha zańnamalyq túzetýler (ekinshi oqylym) engizilip otyr.
Palataǵa birqatar ratıfıkatsııalyq zań jobalary boıynsha qorytyndy ázirleý merzimin taǵaıyndaý usynylǵan. Olar, aıryqsha jaǵdaılarda Biryńǵaı kedendik tarıftiń mólsherlemelerinen erekshelenetin syrttan ákelinetin taýarlarǵa kedendik baj mólsherlemelerin qoldaný sharttary men tártibi týraly hattamaǵa ózgerister engizý týraly jáne Qazaqstan men Tájikstan arasyndaǵy óteýsiz áskerı-tehnıkalyq kómek kórsetý týraly úkimetaralyq kelisimge qatysty bolmaq.
