Májilis Bıýrosy: Jalpy otyrysta qaralatyn máseleler belgilendi

Bul týraly Májilistiń baspasóz qyzmetinen habarlady.

Palata qaraýyna Qylmystyq is júrgizý kodeksiniń jobasy keıbir konstıtýtsııalyq zańdar jáne qylmystyq-is júrgizý zańnamasy boıynsha keıbir zańnamalyq aktiler ilespe túzetýlerimen birinshi oqylymda qarýǵa engizildi.

Salalyq komıtet Bıýroǵa baıandaý barysynda Qylmystyq is júrgizý kodeksi jobasy sot tóreligin júrgizýdiń tıimdiligin arttyrý, adam men azamattyń konstıtýtsııalyq quqyqtaryn saqtaý jáne qorǵaý kepildigin kúsheıtý maqsatynda qylmystyq sot isin júrgizýdi jańǵyrtýǵa baǵyttalǵanyn atap ótti.

Sondaı-aq jalpy otyrystyń kún tártibi jobasyna Qylmystyq atqarý kodeksin birinshi oqylymǵa shyǵarý qosylǵan. Qujat sottalǵandardyń quqyqtary men zańdy múddeleriniń qorǵalý deńgeıin, qylmystyq jazalardy oryndaýdyń tıimdiligin arttyrý maqsatynda qylmystyq-atqarý zańnamasyn odan ári jetildirýge baǵyttalǵan.

Osylarmen qatar Palataǵa 2011 jylǵy 18 qazandaǵy erkin saýda aımaǵynyń Taraptary men Ózbekstan Respýblıkasy qoldaný Sharttary týraly Kelisimge qatysty ratıfıkatsııalanatyn zań jobasyna qorytyndy ázirleý mezgilin naqtylaý usynyldy.