Májilis bıýrosy: jalpy otyrysta qaralatyn kún tártibiniń jobasy naqtylandy
ASTANA. QazAqparat - Búgin Qabıbolla Jaqypovtyń tóraǵalyǵymen Májilis Bıýrosy ótti. Onda Palatanyń aldaǵy jalpy otyrysynda qaralatyn kún tártibiniń jobasy naqtylandy, dep habarlady Májilistiń baspasóz qyzmetinen.
Depýtattar talqylaýyna birinshi oqylymda zııatkerlik menshik salasyn quqyqtyq retteý, Halyqaralyq teńiz uıymynyń aýdıtinen ótý máseleleri boıynsha zańnamalyq túzetýler jobasy usynylady.
Sondaı-aq, jalpy otyrysta sottalǵan adamdardy berý týraly qazaqstandyq-ıtalıandyq shartty ratıfıkatsııalaý týraly zań jobasy qaralady.
Odan ári kún tártibi jobasynda beıindi komıtetter úshin qorytyndy ázirleý merzimin taǵaıyndaýdy qajet etetin Atom energııasyn paıdalaný týraly zań jobasy ilespeli túzetýlermen, sonymen qatar bilim berý máselelerine qatysty jańa engizilimder jobasy sondaı-aq, Salyq isteri boıynsha ózara ákimshilik kómek týraly, Sot tóreligine halyqaralyq qol jetkizý týraly konventsııalardy, Qazaqstan Respýblıkasy men Halyqaralyq qaıta qurý jáne damý banki arasyndaǵy Qaryz týraly ırrıgatsııalyq jáne drenajdyq júıelerdi jetildirýge baılanysty kelisimdi ratıfıkatsııalaýǵa qatysty qujattar usynylmaq.
