Májilis bıýrosy palatanyń aldaǵy jalpy otyrysynda qaralatyn máselelerdi belgiledi
ASTANA. QazAqparat - Búgin Qabıbolla Jaqypovtyń tóraǵalyǵynda Májilis Bıýrosy ótti. Onda Palatanyń aldaǵy jalpy otyrysyndaǵy kún tártibiniń jobasy naqtylandy, dep habarlady palatanyń baspasóz qyzmeti.
Depýtattardyń talqylaýyna elektr energetıkasy obektileriniń jumysyn baqylaýdy jáne qadaǵalaýdy uıymdastyrý máseleleri týraly zań jobasy birinshi oqylymǵa shyǵarylady.
Kún tártibiniń jobasyna Májiliske túsken jańa zań jobalaryna qorytyndy ázirleý mezgilin naqtylaýdy da usynyp otyr. Olardyń qatarynda Úkimet pen Respýblıkalyq bıýdjettiń atqarylýyn baqylaý jónindegi esep komıtetiniń 2013 jylǵy respýblıkalyq bıýdjettiń atqarylýy týraly esebi bar. Sonymen qatar, qurylys obektilerin jobalaý salasyndaǵy sarapshylyq qyzmetti reformalaý boıynsha ózgerister men tolyqtyrýlar engizý máselesi de qosylǵan.
Palata solarmen birge ratıfıkatsııalanatyn zań jobalaryna da qorytyndy ázirleý mezgilin naqtylaıtyn bolady. Olar: Qazaqstan-
Eston úkimetaralyq ınvestıtsııalardy kótermeleý jáne ózara qorǵaý týraly kelisimi men Qazaqstan men Sıngapýr Úkimetteri arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly kelisim.
Bıýro otyrysynda Májilistiń ekonomıkalyq reforma jáne aımaqtyq damý komıtetiniń Qyzylorda oblysynda (28-30 mamyr 2014 j.) kóshpeli otyrys ótkizýi týraly sheshim qabyldandy.
