Májilis Bıýrosy: Palatanyń aldaǵy jalpy otyrysynda qaralatyn kún tártibiniń jobasy naqtylandy

Bul týraly Májilistiń baspasóz qyzmetinen habarlady.

Depýtattar talqysyna tabıǵı monopolııalar jáne retteletin naryqtar men sýmen jabdyqtaý jáne sý burý máselelerine qatysty zań jobalaryn birinshi oqylymda qaraý usynylyp otyr.

Májilismender azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly qazaqstandyq-ázerbaıjandyq úkimetaralyq kelisimdi ratıfıkatsııalaý týraly zań jobasyn qaraıdy.

Sonymen birge, osy kúni Palata bilim berý salasyndaǵy kemsitýshilikke qarsy kúres týraly konventsııany, Halyqaralyq valıýta qory kelisiminiń baptaryna túzetýlerdi, Qazaqstan men Vengrııa memleketteriniń aýmaǵynda zańsyz turatyn adamdardyń readmıssııasy týraly qazaqstandyq-vengerlik úkimetaralyq kelisimdi ratıfıkatsııalaýǵa qatysty beıindi komıtetke qorytyndy ázirleý merzimin belgileýdi tapsyrady.