Májilis Bıýrosy palata otyrysynyń kún tártibin bekitti
ASTANA. 3 mamyr. QazAqparat - Búgin Májiliste spıker Nurlan Nyǵmatýlınniń tóraǵalyǵymen Palata Bıýrosynyń otyrysy bolyp ótti.
Onda aldaǵy ýaqytta ótetin Májilistiń jalpy otyrysynyń kún tártibi qaraldy. Bul týraly Májilistiń baspasóz qyzmetinen habarlandy.
Bıýro sheshimine sáıkes, palatanyń qaraýyna birinshi oqylymǵa «Qazaqstan Respýblıkasynyń keıbir zańnamalyq aktilerine jańartylatyn energııa kózderin paıdalanýdy qoldaý máseleleri boıynsha ózgerister men tolyqtyrýlar engizý týraly» zań jobasy shyǵarylatyn boldy. Sonymen birge depýtattar «2008 jylǵy 25 qańtardaǵy Keden odaǵynyń kedendik shekarasy arqyly ótkiziletin taýarlardyń kedendik qunyn aıqyndaý týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobasyn da talqylaıdy. Kún tártibine Qazaqstan men Ulybrıtanııa jáne Soltústik Irlandııa Qurama Koroldigi Aýǵanstannan Qazaqstannyń aýmaǵy arqyly áskerı múlik pen personaldyń tranzıtin qamtamasyz etý týraly kelisim shyǵarylady.
Budan bólek, palata depýtattary Úkimettiń jáne Esep komıtetiniń 2012 jylǵy respýblıkalyq bıýdjettiń atqarylýy týraly esepterine qorytyndy ázirlenetin kúndi naqtylaıdy.
