Májilis bıýrosy palata otyrysyna shyǵarylatyn zań jobalaryn anyqtady
ASTANA. 16 qarasha. QazAqparat - Búgingi Májiliste ótken palata bıýrosynda aldaǵy ótetin jalpy otyrystyń kún tártibi qarastyryldy.
Áleýmettik-mádenı damý komıtetiniń baıandaýynsha kún tártibine «Memlekettik bilim berý jınaqtaý júıesi týraly» zań jobasyn ilespe túzetýlerimen ekinshi oqylymǵa shyǵaratyn boldy.
Palataǵa Ekonomıkalyq reforma jáne óńirlik damý komıtetiniń «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» zańynyń jobasy boıynsha qorytyndy ázirleý mezgilin anyqtaý qajet .
Jalpy otyrysta «2010 jylǵy 21 mamyrdaǵy Kedendik tranzıttiń kedendik rásimine sáıkes tasymaldanatyn taýarlarǵa qatysty kedendik bajdardy, salyqtardy tóleýdi qamtamasyz etýdi usynýdyń keıbir máseleleri, kedendik bajdardy, salyqtardy óndirip alýdyń erekshelikteri jáne osyndaı taýarlarǵa qatysty óndirip alynǵan somany aýdarý tártibi týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» jáne «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (Jaı operatsııalar) (OAÓEY 1 kólik dálizi [Taraz qalasynyń aınalma joly] Joba) [Batys Eýropa - Batys Qytaı Halyq Respýblıkasy halyqaralyq tranzıt dálizi] ratıfıkatsııalaý týraly» zań jobalary boıynsha qorytyndy ázirleýdiń mezgilin naqtylaý qajet bolady.
Jalpy otyrystyń kún tártibinde Ekologııa máseleleri jáne tabıǵat paıdalaný komıteti «Qazaqstan Respýblıkasynyń keıbir zańnamalyq aktilerine jańartylatyn energııa kózderin paıdalanýdy qoldaý máseleleri boıynsha ózgerister men tolyqtyrýlar engizý týraly» zańynyń jobasymen jumysty jalǵastyrý jónindegi pýkt qosylǵan.
Parlament Májilisiniń Tóraǵasy Nurlan Nyǵmatýlın atalǵan máselelerdi salalyq komıtetterde tyńǵylyqty qaraýdy tapsyrdy.
