Májilis Bıýrosy: Іshki ister organdary jáne Jol júrisi týraly zań jobalary jalpy otyrysta qaralatyn boldy
ASTANA. 25 qańtar. QazAqparat - Búgin Palata spıkeri Nurlan Nyǵmatýlınniń tóraǵalyǵymen Májilis Bıýrosy bolyp, aldaǵy ótetin jalpy otyrysta qaralatyn máseleler naqtylandy.
Bul týraly Májilis Apparatynyń baspasóz qyzmeti habarlady.
Parlamentshiler nazaryna Palata qorytyndy ázirleý merzimin naqtylaıtyn «Qazaqstan Respýblıkasynyń ishki ister organdary týraly» (jańa redaktsııa) zań ilespe túzetýlerimen jáne «Jol júrisi týraly» zań jobalary ilespe túzetýlerimen usynylmaqshy.
Sonymen qatar aldaǵy ótetin jalpy otyrystyń kún tártibine «Qazaqstan Respýblıkasynyń keıbir zańnamalyq aktilerine ártúrli zańnamalyq aktilerdiń quqyq normalary arasyndaǵy qaıshylyqtardy, olqylyqtardy, kollızııalardy jáne sybaılas jemqorlyq quqyq buzýshylyqtar jasaýǵa yqpal etetin normalardy joıý máseleleri boıynsha ózgerister men tolyqtyrýlar engizý týraly» jáne «1993 jylǵy 24 jeltoqsandaǵy Ártúrli memleketterdiń sharýashylyq júrgizýshi sýbektileri arasyndaǵy sharýashylyq daýlardy qaraý kezindegi memlekettik bajdyń mólsheri men ony óndirip alý tártibi týraly kelisimge ózgerister engizý týraly hattamany ratıfıkatsııalaý týraly» zań jobalary qorytyndy ázirleýge shyǵarylatyn boldy.
