Májilis Bıýrosy: Aldaǵy jalpy otyrysta qaralatyn kún tártibiniń jobasy naqtylandy
ASTANA. QazAqparat - Búgin Qabıbolla Jaqypovtyń tóraǵalyǵymen Májilis Bıýrosy ótti. Onda Palatanyń aldaǵy jalpy otyrysynda qaralatyn kún tártibiniń jobasy naqtylandy, dep habarlady Májilistiń baspasóz qyzmetinen.
Aldaǵy jalpy otyrysta Májilis depýtattary «2015 - 2017 jyldarǵa arnalǵan respýblıkalyq bıýdjet týraly» jáne «Qazaqstan Respýblıkasynyń Ulttyq qorynan 2015-2017 jyldarǵa arnalǵan kepildendirilgen transfert týraly» qarjylyq qujattarmen jumysty jalǵastyrý máselesin qarastyrady.
Sonymen qatar, Qazaqstan men Belarýs arasyndaǵy Qazaqstan azamattarynyń Belarýs aýmaǵynda jáne Belarýs azamattarynyń Qazaqstan aýmaǵynda bolý tártibi týraly kelisimdi ratıfıkatsııalaıtyn zań jobasyna qorytyndy ázirleý mezgili naqtylanady.
Palata kedendik shekara arqyly veterınarııalyq-sanıtarııalyq baqylaý boıynsha baqylaý fýnktsııalaryn keden organdaryna berý máseleleri boıynsha Senat engizgen ózgeristerdi de oılastyrady.
