Májilis bıýdjettik josparlaý boıynsha ýákiletti organdar quzyretiniń arajigin ajyratýǵa baǵyttalǵan jobany ekinshi oqylymda maquldady
TANA. 13 qazan. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine bıýdjet protsesinde memlekettik jáne bıýdjettik josparlaý jónindegi ýákiletti organdar quzyretiniń arajigin ajyratý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldady.
Zań jobasy negizinen ótken jyldyń 12 naýryzyndaǵy jáne aǵymdaǵy jylǵy 10-shy tamyzdaǵy Qazaqstan Respýblıkasy Prezıdentiniń Jarlyǵyna sáıkes qabyldanǵan Ekonomıkalyq damý jáne saýda mınıstrligi jáne Qarjy mınıstrligi arasyndaǵy ókilettikterdiń ara jigin ajyratýǵa baǵyttalǵan. Sonymen qatar qujat bıýdjettiń ınvestıtsııalardy júzege asyrý rásimderin ońtaılandyrý normalaryn zańnamalyq bekitýge baılanysty keıbir zańnamalyq aktilerge túzetý engizýdi kózdeıdi. Zań jobasynda atalǵandarmen qosa Qarjy mınıstrligi men Ekonomıkalyq damý jáne saýda mınıstrligi arasyndaǵy bıýdjettik úderisterge degen ókilettikterdi de ajyratý qarastyrylǵan.
Ekinshi oqylymǵa ázirleý barysynda depýtattar 64 túzetý engizgen bolatyn. Soǵan oraı bıýdjet protsesin jetildirý maqsatynda qabyldanǵan túzetýlerdiń enýine baılanysty qujattyń ataýy ózgertilgen.
Májilis maquldaǵan zań jobasy Parlament Senatyna jiberiledi.
