«Májilis bıylǵy bıýdjetti «búldirýge kiristi» - respýblıkalyq basylymdarǵa sholý

ASTANA. Qyrkúıektiń 15-i. QazAqparat - Qazaq aqparat agenttigi respýblıkalyq basylymdarda qyrkúıektiń 15-i, sársenbi kúni shyqqan ózekti materıaldarǵa sholýdy usynady.

***

«Seısenbi kúni Qazaqstan Prezıdenti Nursultan Nazarbaev resmı saparmen Ýkraına astanasy - Kıev qalasyna ushyp keldi. Halyqaralyq "Borıspol" áýejaıynda Qazaqstan Prezıdentin Ýkraına Úkimetiniń resmı adamdary qarsy alyp, Ýkraına Prezıdentiniń ákimshiligine bastady», dep jazady «Egemen Qazaqstan» gazeti búgingi sanynda jaryq kórgen «Júzdesýler jıiligi - júıeli ister bastaýy» degen maqalasynda. Basylymnyń jazýynsha, uzaqqa sozylǵan keńeıtilgen quramdaǵy kelissózder aıaqtalǵan soń ekijaqty qujattarǵa qol qoıý rásimi boldy. Uzyn sany segiz qujatqa qol qoıylýy ekijaqty qarym-qatynastardyń qyzý qarqynmen damyp kele jatqandyǵynyń aıǵaǵy bolsa kerek. Qol qoıylǵan qujattar arasynda Qazaqstanmen Ýkraına arasynda 2010-2011 jyldarǵa arnalǵan ózara is-qımyl josparyna ("Jol kartasy-3") qosymshalar men ózgerister engizý týraly hattama da boldy. Oǵan Qazaqstan Prezıdenti N.Nazarbaev pen Ýkraına Prezıdenti V.ıAnýkovıch qol qoıdy. Bul qujat ýkraın jaǵynyń burynǵy josparǵa máshıne jasaý, kólik, áskerı-tehnıkalyq yntymaqtastyq, agroónerkásip salalary boıynsha qosymsha tarmaqtar engizý jónindegi usynysy boıynsha ázirlengen edi. Qazaqstan Úkimeti men Ýkraına Mınıstrler kabıneti arasyndaǵy eki jaqta da dıplomatııalyq ókildikter úıin salýǵa jer bólý týraly kelisimge Qazaqstan jaǵynan Memlekettik hatshy - Syrtqy ister mınıstri Q.Saýdabaev, Ýkraına jaǵynan Syrtqy ister mınıstri K.Grışenko qol qoıdy. Aıta keterligi, kelisim boıynsha atalǵan maqsat úshin Ýkraına jaǵy Qazaqstanǵa Kıevten 0,45 ga, al Qazaqstan jaǵy Ýkraınaǵa Astanadan 0,9 ga jerdi jalǵa beretin bolady.

Keshe elimizdiń Premer-Mınıstri Kárim Másimov jumys saparymen Pavlodar oblysynda boldy. Osyǵan oraı «Egemen Qazaqstan» gazetiniń búgingi nómirinde «Óndiris órkendese, óńir de órge basady» degen taqyryppen kólemdi maqala jarııalandy. «Sapar Aqsý qalasy men oblys ortalyǵyndaǵy óndiris oryndarynda údemeli jedel ındýstrııalyq-ınnovatsııalyq damý baǵdarlamasynyń oryndalý barysyna arnaldy. Úkimet basshysy sonymen qatar kúni keshe ǵana órt shalǵan ormandy alqaptardy tikushaqpen aralap kórgen soń, Jabaǵyly aýylyna kelip, órt kezinde qaza tapqan ormanshylardyń otbasylaryna kóńil aıtty. Odan soń orman sharýashylyqtaryna qatysy bar vedomstvolar men Shyǵys Qazaqstan, Pavlodar oblystary basshylyǵynyń qatysýymen keńes ótkizdi», dep jazady basylym.

Úkimet basshysynyń óńirge jumys sapary jaıynda «Alash aınasy», «Aıqyn», «Lıter», «Kazahstanskaıa pravda» gazetterinen de egjeı-tegjeıli oqı alasyzdar.

Qazir Azııa oıyndary ótetin qos egizdiń syńaryndaı eki qa­lamyzda, Astana men Almatyda úlken daıyndyq jumystary jú­rip jatyr. Osy baıraqty básekeni uıymdastyrý dırektsııasynyń mamandarynyń aıtýynsha, daıyndyq jumystary bitýge jaqyn qaldy. Astana men Almatydaǵy sport nysandary 95 paıyzǵa jasalyp, olardyń keıbireýinde qazirdiń ózinde jarystar ót­kizýge bolady eken. Osyǵan oraı «Egemen Qazaqstan» gazeti "2011 jylǵy VІІ qysqy Azııa oıyndaryn uıymdastyrý jónindegi komıtetiniń atqarýshy dırektsııasy" AQ vıtse-prezıdenti Serik Qulmyrzaevpen aradaǵy suhbatty oqyrman nazaryna usynyp otyr. Ekeýara áńgime «Alaýdy alyp júrý - bizdiń bastama» degen taqyryppen berilgen.

***

«Semeı halqynyń birazy bir tamshy sýǵa zárý bolyp qaldy. Qazir dúken sórelerinde bótelkelep satatyn sýdyń ózi tapshy. Sý surap sansyraǵan aǵaıynda esep joq. Naýqastardyń qamyn oılap, shapqylaǵan aq halattylar, ólim men ómir arasynda jatqan et jaqyndary úshin emhanalarǵa bótelkelep sý tasyǵan týystar...», dep jazady «Alash aınasy» gazeti. Alashtyń astanasy bolǵan shahardaǵy kúrdeli jaıt basylymnyń búgingi nómirindegi «Semeılik 50 ana úılerinde bosanady» degen taqyryppen basylǵan. Basylymnyń jazýynsha, qaladaǵy №1 perınataldyq ortalyqtyń basshylyǵy onda jatqan 50-den astam bosanatyn analardy arnaıy kóliktermen úılerine qaıtarǵan. Óıtkeni perzenthana qoryndaǵy sý taýsylyp qalǵan. Al sý tapshylyǵynan bolashaq ana men balanyń aǵzasyna ınfektsııa túsip, ómirlerine qaýip tónýi múmkin.

«Alash aınasy» gazetiniń turaqty «Dat!» aıdarynda fılologııa ǵylymynyń kandıdaty, dotsent, aıtys ónerin zertteýshi ǵalym Qoılybaı Asanulymen aradaǵy suhbat «Aıtys naǵyz propaganda ekenin kommýnıster jaqsy ańǵarypty» degen taqyryppen berilgen. Ekeýara áńgime barysynda basylymnyń barlyq saýaldaryna tuşymdy jaýap bergen ǵalym «meni búginde bir másele qatty alańdatady. Ol - tilimizdiń taǵdyry. Óıtkeniń óner de, tarıh ta, mádenıet te, ádebıet te, baspasóz de tilge kelip tirelip tur. Qazaq tili memlekettik til dep jarııalaǵanymyzben,áli kúnge onyń qoldanys aıasy keńeımeı otyr», deıdi. Suhbattyń tolyq nusqasyn basylymnyń sársenbilik sanynan oqı alasyzdar.

Osy basylymnyń jazýynsha, aıaqtalýyna nebári úsh aı qalǵan 2010 jylǵy bıýdjetti qaıta qaraýǵa makroekonomıkalyq kórsetkishter boljamynyń ózgerýi negiz bolǵanǵa uqsaıdy. Osy kórsetkishterge súıengen Úkimettegi bıýdjetti «shemishkeshe» shaǵatyndar ári-beri qaǵyp-silkip, jyl sońyna deıin 265,5 mıllıard teńgeni qaıta bólý kerektigin eseptep shyǵypty. Bul jaıynda basylymnyń búgingi sanynda jaryq kórgen «Májilis bıylǵy bıýdjetti «búldirýge kiristi» degen maqalada keńinen baıandalǵan. «Keshe Májiliste bas qarjy qujatynyń tanystyrý ısharaty jasalǵannan keıin, depýtattar da bilekterin sybana túsip, byltyr bekitken bıýdjetterin qaıta «búldirip» qaıta bekitýge kiristi», dep jazady basylym.

***

«Altyn belgi» alyp turyp grantqa oqýǵa túse almadyq». «Aıqyn» gazetiniń Astana bıýrosyna kelgen hat dál osylaı bastalady. Sara Kágenqyzy joldaǵan hatqa súıensek, onyń qyzy Juldyz Janahmetova Býrabaı aýdanynyń Býrabaı kentindegi Sáken Seıfýllın atyndaǵy orta mektepti bıyl «Altyn belgimen» bitiripti. Bıylǵy ulttyq biryńǵaı testileýdiń nátıjesinde «Altyn belgini» qorǵaýy úshin tıisti 90 balldy jınasa da memlekettik grantqa qabyldanbaı qaldy», dep jazady basylym «116 «Altyn belgi» ıegeri memlekettik grantsyz qaldy. Nege?» degen taqyryppen basylǵan maqalasynda. Osy máseleniń mán-jaıyn anyqtaý úshin Bilim jáne ǵylym mınıstrligine habarlasqan «Aıqyn» gazeti bilim berý granttaryn alýǵa arnalǵan konkýrsty ótkizý kezinde kórsetkishter birdeı bolǵan jaǵdaıda «Altyn belgi» ıegerlerine basymdyq quqyǵy berilgenimen, olarǵa mindetti túrde bilim berý grantyn taǵaıyndaý qajettiligi zańnamada qarastyrylmaǵan degen jaýap alypty.

«Qaraqshylar qaıtadan qara kórsetti». «Aıqyn» gazetiniń sársenbilik nómirinde osy taqyryppen jaryq kórgen maqalada Almatyda aqsha aıyrbastaý pýnktteriniń klıentterine shabýyl jasaýmen aınalysatyn jeti adamnan turatyn uıymdasqan qylmystyq top quryqtalǵandyǵy jaıynda jazylǵan. «Qylmystyq toptyń valıýta aýystyrý oryndaryna keletin adamdardy ańdyp júrip tonaýdy kásipke aınaldyrǵanyna biraz ýaqyt bolǵan sııaqty. Polıtsııa qyzmetkerleriniń aıtýynsha, olardyń moınynda qaraqshylyq shabýyldan basqa, asa aýyr qylmys - kisi ólimi de bar kórinedi. Osydan bir aı buryn, 12-tamyzda jasalǵan sońǵy shabýyldarynyń birinde banda músheleri qarsylyq kórsetken 36 jastaǵy kásipkerge oq atqan. Uıymdasqan qylmystyq top Almaty oblysyndaǵy birneshe aýdannyń turǵyndarynan quralǵan. Bulardyń barlyǵy buryn qaraqshylyq, shabýyl, tonaý, bopsalaý áreketteri úshin qylmystyq jaýapqa tartylǵan», dep jazady basylym.

«Aıqyn» gazetiniń dástúrge aınalǵan «Aq sóıle!» aıdarynyń búgingi qonaǵy - Kólik jáne kommýnıkatsııa mınıstrligi Avtomobıl kóligin baqylaý basqarmasynyń bastyǵy Bolat Smaǵulovpen aradaǵy suhbat «Jolaýshy avtobýstarynyń 83 paıyzy eskirgen» degen taqyryppen berilgen. Suhbat barysynda basylymnyń barlyq saýaldaryna egjeı-tegjeıli jaýap bergen ol «Turaqty tasymaldaýshy degenimiz, avtobýstaryn avtovokzaldan attandyratyn tasymaldaýshy mekemeler. Mine, osyndaı mekemelerge qarasty avtobýstardyń 83 paıyzynyń paıdalaný merzimi on jyldan asqan, ıaǵnı kópshiligi eskirgen. Eger avtobýstyń qarqyndy paıdalanylatyn kólik ekenin eskersek, onda jalpy avtobýs parkiniń paıdalaný merziminiń on jyldan asyp ketýi alańdatarlyq jaǵdaı. Turaqty tasymaldaǵy avtobýs júrgizýshileriniń jumys kestesi, medıtsınalyq tekserýden ótý talaptary saqtalady. Sonyń arqasynda bul jóninen qandaı da bir másele týyndap jatqan joq. Al turaqsyz tasymaldaýdaǵy avtobýstardyń tehnıkalyq jaǵdaıy tolyq senimdi deı almaımyz», depti. Suhbattyń tolyq nusqasyn oqyǵyńyz kelse, basylymnyń sársenbilik sanyn jiberip almańyz.

***

«Samuryq-Qazyna» qorynyń basqarma tóraǵasy Qaırat Kelimbetov aǵymdaǵy jyly Qytaıda ótip jatqan «jazǵy Davosqa» qatysty», dep jazady «Kazahstanskaıa pravda» gazeti.Basylymnyń atap ótýinshe, forýmǵa úkimetterdiń basshylary, Ońtústik-Shyǵys Azııanyń iri korporatsııalarynyń ókilderi jáne halyqaralyq sarapshylar qatysty. Qatysýshylardyń bıylǵy basqosýy «Ornyqty damý arqyly ósý draıverleri» degen uranmen ótti. Q.Kelimbetov ekonomıkany qalpyna keltirýdegi memlekettik ınstıtýttyń rolderi men ornyqty damý tetikterin paıdalaný arqyly bolashaq ekonomıkalyq ósýine arnalǵan sessııada baıandama jasady. Keshe «Samuryq-Qazyna» Ulttyq ál-aýqat qory» aktsıonerlik qoǵamynyń Beıjińdegi ókildigi keńsesi resmı ashyldy.