Májilis birqatar ratıfıkatsııalyq zań jobalaryn maquldady
ASTANA. QazAqparat - Búgin Parlament Májilisiniń spıkeri Nurlan Nyǵmatýlınniń tóraǵalyǵymen Palatanyń jalpy otyrysy ótti, dep habarlaıdy QazAqparat vedomstvonyń resmı saıtyna silteme jasap.
Depýtattar Qazaqstan-Qyrǵyz memlekettik shekarasyn shegendeý jónindegi shartty ratıfıkatsııalaý týraly Zań jobasyn maquldady. Shegendelgen memlekettik shekara syzyǵynyń uzyndyǵy 1257,07 km quraıdy.
Otyrys barysynda «Qazaqstan Respýblıkasy, Túrikmenstan jáne Ózbekstan Respýblıkasy arasyndaǵy úsh memlekettiń memlekettik shekaralarynyń túıisý núktesiniń aýdany týraly shartty ratıfıkatsııalaý týraly» Zań jobasy maquldandy. Sharttyń basty maqsaty - úsh memlekettiń shekaralarynyń túıisý núktesiniń ornalasqan jerin aıqyndaý.
Sonymen qatar, jalpy otyrysta Májilis birqatar jańa Zań jobalaryn jumysqa aldy. Olar: «Avtorlyq jáne sabaqtas quqyqtardy ujymdyq negizde basqarý tártibi týraly kelisimdi ratıfıkatsııalaý týraly» jáne TMD qatysýshy memleketterdiń terrorızmge jáne ekstremızmniń ózge de zorlyq-zombylyq kórinisterine qarsy kúresti júzege asyratyn quzyretti organdardy materıaldyq-tehnıkalyq qamtamasyz etýdegi yntymaqtastyǵy týraly kelisimdi ratıfıkatsııalaý týraly Zań jobalary.
Jalpy otyrys sońynda halyq qalaýlylary birqatar memlekettik organdardyń basshylaryna birneshe depýtattyq saýaldar joldady. Olar - A.Nurkına, Sh.Nurymov, B.Smaǵul, K.Musyrman, T.Syzdyqov, E.Nıkıtınskaıa, A.Qońyrov.
