Májilis birinshi oqylymda «Dinı qyzmet jáne dinı birlestikter týraly» zań jobasyn maquldady

Otyrys barysynda atalmysh qujatqa qatysty baıandamany Din isteri jónindegi agenttiktiń tóraǵasy Qaırat Lama Sharıf jasady.

Onyń aıtýynsha, zań jobasynyń maqsaty - Qazaqstan Respýblıkasynyń dinı birlestikter týraly zańnamasyn dinı birlestikter qyzmeti men jeke tulǵalardyń dinı qyzmetiniń negizgi baǵyttaryn quqyqtyq retteý jolymen jetildirý bolyp tabylady. Zań jobasy dinı birlestikterdi tirkeý máselelerin, dintaný saraptamasyn júrgizý negizderi men tártibin zańnamalyq turǵydan retteýdi jetildiredi jáne jekelegen uǵymdardy naqtylaıdy. Zań jobasyn qaraý barysynda depýtattar zań jobasynyń normalaryn zań tehnıkasynyń qaǵıdalaryna sáıkes keltirýge baǵyttalǵan jáne redaktsııalyq-naqtylaý sıpatyndaǵy birqatar túzetýler engizdi. Biraz talqylaýdan keıin zań jobasyn depýtattar qoldady.

Sondaı-aq Májilis depýattary «Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» ilespe zań jobasyn birinshi oqylymda maquldady.