Májilis bilim berý zańyna túzetýlerdi maquldady
ASTANA. QazAqparat - Memlekettik bilim berý tapsyrysy negizinde bilim alǵan qazaqstandyqtar oqý ornyn aıaqtaǵannan keıin keminde úsh jyl óz mamandyǵy boıynsha jumys isteýge mindetteledi.
Sondaı-aq, joǵary oqý oryndarynyń stýdentteri ekinshi kýrstan bastap mindetti túrde kásiptik praktıkadan ótedi. Ol úshin jumys berýshiler praktıkadan ótetin stýdentterge jumys oryndaryn usynýǵa mindetti. Mundaı qadam salalyq memlekettik organdardyń, ulttyq kompanııalardyń, kásiporyndardyń maman daıarlaý boıynsha jaýapkershiligin arttyra túsedi.
Aǵymdaǵy jyldyń 7 qazanynda Májilis depýtattary ekinshi oqylymda maquldap, Senatqa joldaǵan «QR-nyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly» zań jobasynda Memleket basshysy Nursultan Nazarbaevtyń «100 naqty qadam» Ult josparynyń 76,77, 78 jáne 79-shy qadamdaryn júzege asyrýǵa baǵyttalǵan naqty normalar qabyldandy. Sondaı jańa normalardyń biri - bilim berý týraly qujattarǵa qatysty ózgerister. Máselen, 2017 jyldyń 1 qańtarynan bastap memlekettik úlgidegi qujattardy bilim berý sapasyn qamtamasyz etý jónindegi halyqaralyq eýropalyq jelilerdiń tolyq múshesi bolyp tabylatyn jáne ýákiletti organnyń tizimine engizilgen sheteldik, ulttyq tirkeý organdarynda halyqaralyq tirkeýden ótken uıymdar beredi. Bul jańalyqty Bilim jáne ǵylym mınıstri Aslan Sárinjipov bylaı túsindirdi: «Eń aldymen, zańnamaǵa «tirkeý» degen uǵym engiziledi. ıAǵnı, 2017 jyldyń 1 qańtarynan bastap otandyq joǵary oqý oryndary burynǵydaı attestatsııalaýdan emes, táýelsiz uıymdardan tirkeýden ótedi. Ony halyqaralyq deńgeıdegi tirkeý agenttikteri júzege asyrady. Sonymen qatar, Eýropalyq sapa júıesine múshe bolǵan ulttyq tirkeý agenttikteri de osyndaı quzyretke ıe bolady».
Mınıstrdiń paıymdaýynsha, mundaı ózgeris buǵan deıin aqsha tólep, tirkelip kelgen jekemenshik joǵary oqý oryndaryna qatysty túıtkildi máseleni oń sheshýge yqpalyn tıgizedi. - Sonymen qosa, atalǵan zań jobasynda memlekettik jorǵary oqý oryndaryna kásiptik-tehnıkalyq bilim berý baǵyty boıynsha aqyly qyzmet kórsetý múmkindigi usynylyp otyr. ıAǵnı, árbir joǵary oqý orny óziniń kolledjin ashyp, azamattardyń biliktiligin arttyrýǵa baǵyttalǵan ártúrli kýrstardy usyna alady. Bizdiń oıymyzsha, bul joǵary oqý oryndaryn qoldaýǵa baǵyttalǵan ıgi shara,- dep málimdedi A. Sárinjipov Májiliste zań jobasy ekinshi oqylymda maquldanǵannan keıin.
Atap aıtarlyǵy, bul normalar joǵary oqý oryndary úshin - 2017 jyldyń 1 qańtarynan bastap; kásiptik-tehnıkalyq jáne orta bilimnen keıin arnaýly bilim beretin uıymdar úshin - 2020 jyldyń 1 qańtarynan bastap qoldanysqa engiziledi. Zań jobasy boıynsha baıandama jasaǵan Májilis depýtaty Gúlmıra Isımbaeva elimizde sońǵy 4 jyldan beri joǵary oqý oryndaryn tirkeý máselesi jóninen júıeli is-sharalar atqarylmaǵanyn jetkizdi. Onyń pikirinshe, buǵan tıisti ınstıtýtsıonaldyq ortanyń bolmaýy, oǵan ótýge yntalandyrý sharttarynyń jetkiliksizdigi sebep bolsa, jańa túzetýler osy olqylyqtyń ornyn toltyrady.
