Májilis Baıqońyr qalasynyń mártebesi týraly hattamaǵa engizilgen ózgeristerdi maquldady
A. Mamyrdyń 5-i. QazAqparat /Qanat Mámetqazyuly/ ‑ Búgin QR Parlamenti Májilisiniń jalpy otyrysynda palata depýtattary «1995 jylǵy 23 jeltoqsandaǵy Qazaqstan Respýblıkasy men RF arasyndaǵy Baıqońyr qalasynyń mártebesi, ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobasyn maquldady,
dep habarlaıdy QazAqparat.
Hattamaǵa 2009 jylǵy mamyrdyń 21-inde Astana qalasynda qol qoıylǵan. Qujattyń negizgi maqsaty Baıqońyr qalasynyń aýmaǵynda bank operatsııalarynyń jekelegen túrlerin júzege asyratyn Qazaqstan Respýblıkasynyń bankteri men zańdy tulǵalarynyń qyzmetin memlekettik retteý máselesin retke keltirý bolyp tabylady.
Májilis komıtetteri atalǵan hattamany oń baǵalaǵan.
Parlament Májilisi maquldaǵan zań jobasy Senatqa jiberiledi.
