Májilis bank salasyndaǵy ahýaldy jaqsartýǵa baǵyttalǵan qujatty maquldady
ASTANA. 25 jeltoqsan. QazAqparat - Búgin QR Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine qaıta qurylymdaýdy júzege asyrǵan ekinshi deńgeıdegi bankterdi odan ári damytý máselesi boıynsha ózgerister men tolyqtyrýlar engizý týraly» zań jobasyn maquldady.
Zań jobasy qarjy sektoryn shoǵyrlandyrý, olarǵa qatysty qaıta qurylymdaýdy júzege asyrǵan bankterge memlekettiń qatysýyn ońtaılandyrý maqsatynda ázirlengen. Osyǵan oraı, ekinshi deńgeıli bankterdi odan ári damytý máseleleri boıynsha zańnamany jetildirý kózdelip otyr. Túzetýler negizinen aktsıonerlik qoǵamdar jáne baǵaly qaǵazdar naryǵyna qatysty bolyp tabylady. Ol tikeleı qarjy sektoryn shoǵyrlandyrýǵa, sondaı-aq, qaıta qurylymdaý júzege asyrylǵan bankterge memlekettiń qatysýyn ońtaılandyrý, sondaı-aq, qosymsha ilespe shyǵystardy qysqartý qajettiligine negizdelgen. Qarjy jáne bıýdjet komıtetiniń qorytyndysyna saı, zań jobasyn iske asyrý bank salasyndaǵy ekonomıkalyq ahýaldy jaqsartýǵa yqpal etedi ári quqyqtyq jáne áleýmettik-ekonomıkalyq teris saldary bolmaıdy. Sondaı-aq memlekettik bıýdjetten qosymsha shyǵystardy talap etpeıdi.
