Májilis balalardy zııandy aqparattardan qorǵaý jónindegi depýtattyq bastamalardy qoldady

Agroónerkásipti damytý jónindegi depýtattyq zań jobasyna qoldaý kórsetildi jáne sáýlettik, qala salý jáne qurylys qyzmeti, memlekettik satyp alýlar, sondaı-aq TJ kezindegi ShYU elderiniń aktisi máseleleri boıynsha túzetýler maquldandy. Palata birqatar jańa halyqaralyq qujattardy jáne balalardy qorǵaý jónindegi depýtattyq zań jobasyn óndiriske aldy.

Májilis memlekettik satyp alý máselesine qatysty túzetýlerdi birinshi oqylymda maquldady.

Nurlan Nyǵmatýlınniń atap ótkenindeı, bul qujat qazirgi Parlament qorjynyndaǵy eń «atyshýly» zań jobalarynyń biri. Óıtkeni, memlekettik satyp alý tóńireginde suraqtar kóp. Sondyqtan da, zań jobasy «eshkimniń qalaýyna» múmkindik bermeıtindeı tastúıin ázirlenýi kerek.

Taqyrypqa qatysty Spıker usynylyp otyrǵan normalar arasynan qazaqstandyq óndirýshiler taýaryn alýǵa mindetteý týraly qaǵıdatty alǵa tarta otyryp, bul otandyq taýar óndirýshilerdi qoldaýǵa qyzmet etetinin qadap aıtty. Áıtse de, - búgingi kúni barlyq memlekettik organdar, sonyń ishinde, Parlamenttiń sharýashylyq basqarmasy da kólikterdi jańalaýda. Ony biz Óskemendegi otandyq taýaróndirýshilerden satyp alamyz. Biraq, joq jerden sol kóliktiń baǵasy 4 mıllıonǵa qymbattap shyǵa keledi. Osydan keıin-aq, ol óziniń básekege qabilettiligin joǵaltady. Óıtkeni, Kedendik Odaqta turǵan Reseıden shyǵarylatyn dál sol sanattaǵy «Toyota Camry» kóligi bizdikinen 20 myń dollarǵa arzan. Osy jaǵdaıda memlekettik organ ne isteýi kerek? Bir jaǵynan qazir sizder zańǵa engizgeli otyrǵan mindetti qaǵıdat bar, al, ekinshi jaǵynda, memleket qarjysyn tıimsiz jumsaýǵa májbúrlik bar. Mundaı mysaldar az emes. Sol úshin bul zańnyń árbir joly egjeı-tegjeıli saralanýy kerek. Eń bastysy - bıýdjet qarjylaryn tıimdi paıdalaný 6- dedi Nurlan Nyǵmatýlın.

Odan ári Májilis tóraǵasy ekinshi oqylymda zań jobasynyń sapasyn kúsheıtýge basa nazar aýdarý kerektigin aıta kelip, - ol sapaly ári ashyq bolýy kerek, - dedi.

Jańa ózgeristerge sáıkes, atap aıtqanda Úkimet, oblystar, Astana jáne Almaty qalalarynyń ákimderi memlekettik satyp alýdyń biryńǵaı uıymdastyrýshysyn qurady. Bul osy tásildermen bıýdjettik baǵdarlamalar jáne (nemese) Úkimet jáne jergilikti atqarýshy organdardyń sheshimderimen belgilengen taýarlar, jumystar jáne qyzmetter boıynsha konkýrs jáne aýktsıon ótkizý úshin jasalyp otyr.

Bul arada artyqshylyq múgedekterdiń qoǵamdyq birlestikterine, túzetý mekemeleriniń memlekettik kásiporyndaryna, sondaı-aq shaǵyn kásipkerlik sýbektilerine beriedi.

Tutastaı alǵanda, memlekettiń qatysýymen zańdy tulǵalardan taýarlardy, jumystardy jáne qyzmetterdi «Memlekettik satyp alýlar týraly» zań normalaryn qoldanbaı satyp alýda jasyryn monopolııaǵa jol bermeý kózdeledi.

Májilis ekinshi oqylymda agroónerkásip máseleleri boıynsha depýtattyq zań jobasyn qoldady. Parlamentshilerdiń bastamasy osy sala sýbektilerin memlekettik qoldaýdyń jańa túrlerin zańnamalyq turǵyda bekitedi. Jáne, atap aıtqanda, veterınarııa, aýyldyq aýmaqtar salasyndaǵy jáne tutastaı saladaǵy zańnamalardy odan ári jetildirýdi kózdeıdi.

Depýtattar sondaı-aq «Shanhaı yntymaqtastyq uıymy múshe memleketteriniń úkimetteri arasyndaǵy tótenshe jaǵdaılardy joıýda kómek kórsetýdegi ózara is-qımyly týraly kelisimge hattamany ratıfıkatsııalarý týraly» zań jobasyn maquldady. Qujattardyń úlgilik nysandaryn bekitý apattyq jaǵdaılarda taraptardyń birlesken is-qımylyna kómektesedi.

Sáýlettik, qala salý jáne qurylys qyzmeti máseleleri boıynsha búgin ekinshi oqylymda maquldanǵan túzetýlerdiń negizgi maqsaty - biryńǵaı memlekettik qala salý kadastryn qurý bolmaq. Ol eldi mekenderdiń, ınjenerlik qurylǵylardyń, jáne jelilerdiń, kóliktik jáne áleýmettik ınfraqurylymdardyń ahýaly týraly aqparattardyń jedeldigin, tolyq kóleminde bolýyn jáne shynaıylyǵyn, sondaı-aq memlekettik organdardyń ózara is-qımylyn qamtamasyz etedi.

Májilis jalpy otyrysta sondaı-aq «Táýelsiz Memleketter Dostastyǵy qatysýshy-memleketteriniń áýe kemesin basyp alý (aıdap ketý) týraly habar alǵanda áýe shabýylynan qorǵanys kúshteri kezekshileriniń qımylyn uıymdastyrý týraly kelisimdi ratıfıkatsııalaý týraly» zań jobasy boıynsha beıindik komıtetke qorytyndy ázirleý merzimin belgiledi. Qujattar TMD qatysýshy-memleketteriniń áýe shabýylynan qorǵaný kúshteriniń kezekshiler is-qımylyn uıymdastyrý mekemelerine quqyqtyq retteýge jiberildi.

Sondaı-aq búgin «Qazaqstan Respýblıkasy men Eýropalyq qaıta qurý jáne damý banki arasyndaǵy Eýropalyq qaıta qurý jáne damý bankiniń Qazaqstan Respýblıkasyndaǵy yntymaqtastyǵy men qyzmetine qatysty kelisimdi ratıfıkatsııalaý týraly» zań jobasy óndiriske qabyldandy. Qujat qabyldanǵan jaǵdaıda bul qarjy mekemesine bizdiń elimizdegi qyzmeti úshin qolaıly jaǵdaılar jasalady.

Sársenbi kúni Palata balalardy olardyń densaýlyǵy men damýyna zııan keltiretin aqparattardan qorǵaý máseleleri boıynsha depýtattyq túzetýlerdi óndiriske jiberdi. Jańa zańnamalyq talaptardy jasaýda qazirgi halyqaralyq standarttar men balalar men jastar úshin zııandy aqparat ónimderi aınalymyn zańnamalyq retteýdegi sheteldik ozyq tájirıbe eskerildi. TMD qatysýshy-memleketteri Parlamenttik Assambleıasy qabyldaǵan tıisti modeldik zań jobasy eskerildi.

Búgin ótken Májilistiń jalpy otyrysy 2014-2016 jyldarǵa arnalǵan respýblıkalyq bıýdjet pen eńbek kóshi-qonyna qatysty Senattyń túzetýlerimen kelisti. Beıindik komıtetke qaıta qurylymdaýdy júzege asyrǵan ekinshi deńgeıli bankterdi odan ári damytý máselesi boıynsha zańnamalyq túzetýlermen jumysty odan ári jalǵastyrý týraly sheshim qabyldandy.