Májilis baǵaly metaldar men asyl tastar týraly zań jobasyn maquldady
ASTANA. QazAqparat - Búgin Parlament Májilisiniń jalpy otyrysynda palata depýtattary «Baǵaly metaldar men asyl tastar týraly» zań jobasyn ekinshi oqylymda maquldady.
Zań jobasynyń maqsaty baǵaly metaldar men asyl tastardy óndirý jáne olardyń aınalymy, baǵaly metaldarmen jáne asyl tastarmen operatsııalardy memlekettik retteý jáne baqylaý bolyp tabylady. Budan bólek, Qazaqstanda zergerlik ónerkásipti damytýǵa jaǵdaı jasalyp, osy baǵytta týyndaıtyn qoǵamdyq qatynastardy retteýdiń biryńǵaı zańnamalyq negizi qalyptasady.
Sonymen qatar zań jobasynda Úkimettiń, Ulttyq banktiń, baǵaly metaldar men asyl tastar aınalymy salasyndaǵy ýákiletti organnyń quzyretin aıqyndap, osy saladaǵy zańnamany buzǵandarǵa jaýaptylyq belgilenedi.
Ulttyq bank baǵaly metaldar aktıvterin tolyqtyrý úshin, baǵaly metaldar óndirisi sýbektilerimen jáne qaıta óńdeý nátıjesinde menshik ıeleri bolǵan tulǵalarmen affınırlengen altyndy satyp alý jóninde mámileler jasasýǵa memlekettiń basym quqyǵy belgilenedi. Sonymen qatar qujatta Qazaqstannyń aýmaǵynda óndirilgen jáne ótkiziletin baǵaly metaldar men asyl tastardan jasalǵan zergerlik buıymdardy synamalaý, olardy tańbalaý mindeti qarastyrylady. Ondaı ataýly tańbalar ýákiletti uıymda tirkelýge mindetti bolady.
Májilis maquldaǵan qujat endi Parlament Senatynyń jalpy otyrysyna shyǵarylady.
