Májilis azamattyq-quqyqtyq jaýapkershilikti mindetti saqtandyrýǵa arnalǵan joba boıynsha kelisim komıssııasynyń usynystaryn qabyldady
ANA. Naýryzdyń 31-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «QR keıbir zańnamalyq aktilerine qyzmeti úshinshi tulǵalarǵa zııan keltirý qaýpimen baılanysty obektiler ıeleriniń azamattyq-quqyqtyq jaýapkershiligin mindetti saqtandyrý máseleleri boıynsha ózgerister men tolyqtyrýlar engizý týraly» zań jobasy boıynsha kelisim komıssııasynyń usynystaryn talqylady,
dep habarlaıdy QazAqparat.
Esterińizge sala keteıik, buǵan deıin Májilis maquldaǵan zań jobasyna Parlament Senaty birqatar túzetýlermen keıin qaıtaryp, sonyń nátıjesinde qos paalata arasynda kelisim komısssııasy qurylǵan edi. Jalpy, atalǵan zań jobasyn qabyldaý memleketimizde táýekelderdi basqarýdyń zamanaýı ádisnamalaryn engizýge jaǵdaı jasaıdy dep kútiledi. Bunymen qosa, qujat azamattardyń qaýipsizdigin arttyrý, qorshaǵan ortany zııandy zattarmen lastanýdan saqtaýǵa, qaýipti, apat týdyratyn óndiristik faktorlardyń aldyn alýǵa baǵyttalady. Qoldanystaǵy zańnamada apattardyń aldyn alý men retteýde ákimshilik jaýapqa tartý kózdelip, ekonomıkalyq salmaq salý jaǵy óte álsiz qarastyrylǵan. Sondyqtan da, osy joba qaýipti óndiristik nysandardy ıelenýshiler úshin ákimshilik resýrstardan basqa, ekonomıkalyq máselelerdi de keńinen qamtıtyn bolady. Bul shara óz kezeginde nysandy ıelenýshiler úshin qaramaǵyndaǵy jumysshylardyń qaýipsiz eńbek etýine jaǵdaı jasaýyn arttyra túsedi.
Qujattyń «Ekologııalyq saqtandyrý týraly» qoldanystaǵy zańnamadan negizgi aıyrmashylyǵy bul qujatta Tótenshe jaǵdaılar mınıstrliginiń apattardyń jáne adam óliminiń aldyn alý jónindegi quzireti men ókilettigi tolyq kórinis taýyp otyr. Bul rette naqty tehnologııalyq júıeler men naqty bolýy múmkin apat pen qaýipter zerdelenip, qajetti ekonomıkalyq sharalardy júzege asyrý qarastyrylady. Ondaǵy negizgi másele de óndiris qaýiptiligi joǵary kásiporyndarǵa qatysty bolyp tabylady. ıAǵnı, kásiporyn jumysy qaýipsiz bolsa, nysanǵa qatysty eshqandaı másele bolmaq emes, al onyń qyzmetinen adam ómirine, qorshaǵan ortaǵa úlken qaýip sezilse, bul kásiporyn sáıkesinshe saqtandyrý tólemderin jasaıdy, ári sol nysan ýákiletti organdar tarapynan jıi-jıi tekserýge jatady.
