Májilis Azamattyq is júrgizý máselelerine arnalǵan konventsııany maquldady
ASTANA. QazAqparat - Búgin Parlament Májilisiniń jalpy otyrysynda palata depýtattary «Azamattyq is júrgizý máseleleri jónindegi konventsııany ratıfıkatsııalaý týraly» zań jobasy maquldandy.
Atalǵan konventsııa 1954 jylǵy 1 naýryzda Gaagada jasalǵan.
Qujatqa sáıkes, shetelde júrgen adamdarǵa azamattyq nemese saýda isteri jónindegi qujattardy tapsyrý suraý salýshy memlekettiń konsýlynyń ótinishi boıynsha júzege asatyn bolady. Al azamattyq ister boıynsha qujattardy tapsyrý suraý salynatyn memlekettiń zańnamasy boıynsha quzyretti organnyń kómegimen júrgiziledi. Sonymen qatar, eger mundaı qujattardy tapsyrýdy sol memleket óziniń egemendigine, qaýipsizdigine nuqsan keltiredi dep sanasa ony tapsyrýdan bas tartýy múmkin.
«Konventsııaǵa sáıkes, tabysy az adamdar ýaǵdalasýshy memelketterdiń biriniń azamattary jergilikti azamattarmen birdeı negizderde azamattyq hal aktilerinen úzindi kóshirmelerdi tegin berýdi talap ete alady», delingen zań jobasynyń qorytyndysynda.
Májilis maquldaǵan zań jobasy Parlament Senatyna joldanady.
