Májilis azamattardy ustaý negizderi men tártibin bekitýge arnalǵan jobany ekinshi oqylymda maquldady

Atalǵan qujat qoldanystaǵy zańnama talaptaryn Konstıtýtsııanyń arnaıy mekemelerdegi adamdar men azamattardyń quqyqtary men bostandyqtaryn qamtamasyz etý týraly talaptaryna sáıkestendirý maqsatynda ázirlengen. Bul rette zań jobasy adamdardy qabyldaý men tirkeý tártibin belgileıdi. Sonymen qatar qujatta qamaýǵa alynǵandardy bosatý máselesi de qarastyrylady. Budan bólek, zań jobasynda halyqaralyq qujattarda bekitilgen adam quqyqtaryna qatysty jáıttar negizge alynǵan. Máselen, onda qamaýǵa alynǵan azamattardyń ózderiniń quqyqtaryn qalaı qorǵaýǵa bolatyndyǵyn túsindiretin normalar qarastyrylǵan.

Budan bólek, zań jobasy maskúnemdik pen nashaqorlyqqa shaldyqqandardy májbúrli túrde emdeýge, qylmystyń jasalýyna seziktiler men aıyptalýshylardy qamaýda ustaýdyń tártibi men jaǵdaıyna, kámeletke tolmaǵandar arasyndaǵy quqyq buzýshylyqtyń, balalardyń qadaǵalaýsyz jáne panasyz qalýynyń aldyn alýǵa qatysty zańnamalyq aktilerge ózgerister men tolyqtyrýlar engizýdi qarastyrady.

Májilis maquldaǵan qujat Parlament Senatyna jiberiledi.