Májilis atom energııasyn paıdalaný máselelerine qatysty qujatty jumysqa aldy
NUR-SULTAN. QazAqparat – Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine atom energııasyn paıdalaný máseleleri boıynsha ózgerister men tolyqtyrýlar engizý týraly» zań jobasyn jumysqa aldy, dep habarlaıdy QazAqparat tilshisi.
«Zań jobasy Májiliske 2019 jylǵy 29 qarashadaǵy QR Úkimetiniń Qaýlysymen engizildi. Qujattyń maqsaty - atom energetıkasyn damytýdyń uıymdastyrýshylyq jáne quqyqtyq tetikterin jetildirý boıynsha túzetýler engizý men onyń qaýipsizdigin qamtamasyz etý», - dedi Parlalament Májilisi Ekologııa máseleleri jáne tabıǵat paıdalaný komıtetiniń tóraǵasy Gleb Şegelskıı.
Osy oraıda tıisti zańdarǵa ózgerister men tolyqtyrýlar engizilmek.
«Komıtet zań jobasyn jumysqa alýǵa jáne ol boıynsha 2020 jylǵy 9 jeltoqsanǵa deıingi merzimde qorytyndy ázirleýge daıyn», - dep naqtylady depýtat.
foto: hightech.plus