Májilis atom energııasyn beıbit maqsatta paıdalanýǵa baǵyttalǵan birqatar konventsııany maquldady
ASTANA. Qańtardyń 13-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «ıAdrolyq qaýipsizdik týraly konventsııany ratıfıkatsııalaý týraly», «ıAdrolyq avarııa týraly jedel habarlaý jónindegi konventsııany ratıfıkatsııalaý týraly», «ıAdrolyq avarııa jaǵdaıyndaǵy nemese radıatsııalyq avarııa jaǵdaıyndaǵy kómek týraly konventsııany ratıfıkatsııalaý týraly» zań jobalaryn maquldady,
dep habarlaıdy QazAqparat.
Atalǵan zań jobalary Memleket basshysynyń 2007-2008 jyldardaǵy Joldaýlaryn júzege asyrý maqsatynda ázirlengen. Bul rette atom energetıkasynyń negizin qurý, ıadrolyq energetıka salasyn damytý baǵyttary boıynsha birqatar sharalar atqarylatyn bolady. Al atalǵan konventsııalar Qazaqstannyń osy maqsattaǵy jumystaryn, yntymaqtastyǵyn jalǵastyra túsý úshin mańyzdy bolyp tabylady. «ıAdrolyq qaýipsizdik týraly konventsııa - ıadrolyq qondyrǵylar qaýipsizdigine tikeleı baǵyttalǵan alǵashqy halyqaralyq quqyqtyq qujat bolyp tabylady. Vena qalasynda 1994 jyly qabyldanǵan Konventsııaǵa qatysýshy memleketterdiń sany 65-ke jetti. Qujat ıadrolyq qaýipsizdiktiń joǵary deńgeıine qol jetkizýge, jekelegen adamdardy, tutas qoǵamdy qorshaǵan ortany mundaı qondyrǵylardan shyǵatyn ıondaýshy sáýlelerdiń zııandy áserinen qorǵaý úshin tıimdi quraldar qalyptastyrýǵa baǵyttalady», dedi Energetıka jáne mıneraldyq resýrstar vıtse-mınıstri Áset Maǵaýov.
Atalǵan konventsııalardy ratıfıkatsııalaý Qazaqstannyń atom energııasyn beıbit maqsatta paıdalaný salasyndaǵy halyqaralyq yntymaqtastyǵyn odan ári damytýǵa yqpal etedi. Sonymen qatar bul qujattardy bekitý elimizdiń ıadrolyq qarýdy taratpaý rejımin nyǵaıtý jónindegi sharalardy jaqtaıtyndyǵyn kórsetedi jáne osy saladaǵy saıası baǵytynyń ózgermeıtindigin qýattaıdy.
Májilis maquldaǵan zań jobalary Parlament Senatyna jiberiledi.
